5 НАМУД ҶОИЗА ДАР СОҲАИ МАОРИФ. Дар Хатлон омӯзгорон, директорони мактаб ва хонандагони фаъол қадрдонӣ гардиданд
ДУШАНБЕ, 28.08.2024. /АМИТ «Ховар»/. Беш аз 100 нафар кормандони соҳаи маориф, омӯзгорон, собиқадорон, падару модарон ва хонандагон бо мукофоти пулии Раиси вилояти Хатлон қадрдонӣ шуданд. Дар ин хусус ба АМИТ «Ховар» сардори Раёсати маорифи вилояти Хатлон Зиёдулло Абдуллозода хабар дод.
Ба иттилои сардори Раёсати маорифи вилояти Хатлон, аз ҷониби Раиси вилояти Хатлон дар вазъияти тантанавӣ 5 намуд ҷоиза дар соҳаи маориф тақдим карда шуд.
«Ҷоизаи Раиси вилояти Хатлон» бо маблағи 5 ҳазор сомонӣ ба 10 нафар омӯзгорону кормандони соҳаи маориф, ҷоизаи «Омӯзгори ифтихории Хатлон» бо маблағи 3 ҳазор сомонӣ ба 10 нафар ва ҷоизаи «Соҳибватан» бо маблағи 2 ҳазор сомонӣ ба 10 нафар хонандагони аълохон супорида шуд.
Инчунин 17 директори муассисаҳои таҳсилоти миёнаи умумие, ки хонандагони онҳо дар олимпиадаҳо фаъолона иштирок мекунанд ва соҳиби аттестати аълои унверсалиии тилло ва нуқра гардидаанд, бо маблағи 3 ҳазор сомонӣ мукофотонида шуданд.
Ҳамзамон ба 26 хонандаи дорои аттестати аъло 10 ҳазор сомонӣ ва ба 31 омӯзгори ҷавони шаҳру ноҳияҳои вилояти Хатлон шаҳодатномаҳои замини наздиҳавлигӣ тақдим карда шуд.
Бояд гуфт, ки ғамхорӣ дар ҳаққи омӯзгор сабаби бартараф намудани норасоии кадрӣ, таъмини шароити созгор барои маорифчиён ва баланд бардоштани савияи дониши хонандагон мегардад. Зеро омӯзгор шахсе аст, ки аҳли ҷомеаро таълиму тарбия менамояд.
Дарвоқеъ, имрӯзҳо омӯзгорон кӯшиш ба харҷ медиҳанд, ки хонандагону донишҷӯёни босавод тарбия намоянд. Зеро дар ҳолати дар озмунҳо иштирок намудан ва сазовори ҷойи аввал гардидани довталабон устодон низ бо мукофот ва маблағҳои пулӣ сарфароз гардонида мешаванд.
Дар доираи тадбирҳои андешида умед аст, ки минбаъд ҷавонони донишманд дар соҳаҳои мухталиф фаъолият менамоянд. Месазад, ки чунин ташаббусро идораҳои маорифи шаҳру ноҳияҳои мамлакат ва муассисаҳои таълимии ҷумҳурӣ низ дастгирӣ намоянд.
Зарангези ЛАТИФ,
АМИТ «Ховар»
АКС: Мақомоти иҷроияи ҳокимияти давлатии вилояти Хатлон
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
