НИШАСТИ МАТБУОТӢ. Ҳаҷми маҷмуи маҳсулоти дохилии Тоҷикистон ба 61,7 миллиард сомонӣ расидааст
ДУШАНБЕ, 06.08.2024. /АМИТ «Ховар»/. Дар шашмоҳаи якуми соли равон устувории нишондиҳандаҳои макроиқтисодӣ дар Ҷумҳурии Тоҷикистон дар маҷмуъ таъмин гардида, ҳаҷми маҷмуи маҳсулоти дохилӣ 61,7 миллиард сомонӣ ва суръати рушди воқеии он 8,2 фоизро ташкил дод. Дар ин хусус имрӯз зимни нишасти матбуотӣ муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода иттилоъ дод.
Ба гуфтаи Ашурбой Солеҳзода, суръати рушди иқтисоди миллӣ дар ин давра асосан аз ҳисоби зиёд гардидани ҳаҷми истеҳсоли маҳсулоти саноатӣ 11,5 фоиз, кишоварзӣ 9,6 фоиз, маблағгузорӣ ба сармояи асосӣ 15,7 фоиз, гардиши савдо 11,9 фоиз, боркашонӣ 13,8 фоиз ва мусофиркашонӣ 9 фоиз таъмин гардид.
Дар моҳҳои январ-июни имсол таваррум 1,9 фоизро ташкил дод, ки нисбат ба ҳамин давраи соли 2023 0,4 банди фоизӣ паст мебошад. Дар ин давра таваррум асосан аз ҳисоби 1,3 фоиз болоравии нархҳои маҳсулоти озуқа, 1,6 фоиз молҳои ғайриозуқа ва 4 фоиз арзиши тарофаҳои хизматрасонӣ ташаккул ёфтааст.
Иттилоъ дода шуд, ки дар ҳудуди ҷумҳурӣ 251 корхонаи нави саноатӣ бо 1714 ҷойи нави кор мавриди истифода қарор дода шуд, ки дар натиҷа ҳаҷми истеҳсоли маҳсулоти саноатӣ 22,6 милиард сомониро ташкил дод.
Ҳамзамон Ашурбой Солеҳзода изҳор намуд, ки ҳаҷми умумии гардиши савдо дар моҳҳои январ ва июни имсол 29492,4 миллион сомониро ташкил дод, ки нисбат ба ҳамин давраи соли 2023 11,9 фоиз зиёд мебошад. Аз ҳама бештар дар гардиши савдо ҳаҷми умумиро савдои чакана ва таъмири воситаҳои нақлиёт, ки ба 86,3 фисад расидааст, ташкил медиҳад.
Шаҳлои САДРИДДИН,
АМИТ «Ховар»
АКС: АМИТ «Ховар»
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
