НИШАСТИ МАТБУОТӢ. Аз вилояти Хатлон дар шаш моҳ беш аз 200 ҳазор тонна маҳсулоти саноатӣ содирот гардидааст
ДУШАНБЕ, 09.08.2024 /АМИТ «Ховар»/. Дар шаш моҳи имсол аз вилояти Хатлон ба хориҷи мамлакат 209 ҳазор тонна маҳсулоти саноатӣ ба маблағи 115,3 миллион доллари амрикоӣ содирот шудааст, ки нисбат ба соли 2023 бо маблағи 39,5 миллион доллар зиёд мебошад. Дар ин хусус 9 август Раиси вилояти Хатлон Давлаталӣ Саид зимни нишасти матбуотӣ иттилоъ дод.
Аз ҳаҷми маҳсулоти саноатӣ 30,8 ҳазор тонна нахи пахта ба маблағи 56,2 миллион доллар, 5104 тонна калобаи ресандагӣ ба маблағи 12,9 миллион доллар ва 163,2 ҳазор тонна семент ба маблағи 8,3 миллион доллар содирот шудааст. Инчунин аз ҳудуди вилоят 626 тонна нуриҳои минералии истеҳсоли корхонаи ватании «Азот» ба маблағи 170 ҳазор доллари амрикоӣ содирот шудааст.
Содироти маҳсулоти кишоварзии вилоят ба хориҷи мамлакат дар маҷмуъ 27 086 тоннаро ташкил дод. Қисми зиёди маҳсулоти кишоварзӣ асосан ба давлатҳои Покистон, Афғонистон, Қазоқистон, Русия, Узбекистон ва Беларус содирот шудааст. Дар шашмоҳаи аввали имсол содироти маҳсулоти кишоварзӣ нисбат ба ҳамин давраи соли 2023-юм 7290 тонна ё 47 фоиз зиёд шудааст.
Зимни нишаст Раиси вилояти Хатлон Давлаталӣ Саид гуфт, ки гардиши савдои хориҷӣ дар нимаи якуми соли 2024 ба 225 миллион доллари амрикоӣ баробар гардид, ки аз он ҳаҷми содирот 118 миллион доллар ё 52,3 фоизро ташкил дод. Ин рақам нисбат ба ҳамин давраи соли 2023 40 миллион доллар ё 51,1 фоиз зиёд мебошад.
АКС: Хадамоти матбуоти Раиси вилояти Хатлон
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
Дар даврони соҳибистиқлолии Тоҷикистон боғу токзори нав 2,3 баробар зиёд гардид
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
