НИШАСТИ МАТБУОТӢ. Бонкҳои Тоҷикистон ба муштариён беш аз 10 миллиард сомонӣ қарз пешниҳод намуданд
ДУШАНБЕ, 07.08.2024 /АМИТ «Ховар»/. Имсол бонкҳо ва ташкилоти қарзии Тоҷикистон ба маблағи 10,6 миллиард сомонӣ ба муштариён қарз пешниҳод намудаанд, ки нисбат ба ҳамин давраи соли 2023 1,3 миллиард сомонӣ ё 14,5 фоиз зиёд мебошад.
Раиси Бонки миллии Тоҷикистон Фирдавс Толибзода имрӯз зимни нишасти матбуотӣ ба хабарнигорон гуфт, ки аз ҳаҷми умумии қарзҳои дар ин давра додашуда ба соҳаҳои истеъмолот- 46,3 фоиз, кишоварзӣ ва савдои хориҷӣ мутаносибан- 14,3-фоизӣ, саноат- 11,9 фоиз, хизматрасонӣ- 7,1 фоиз, сохтмон- 3,5 фоиз ва дигар соҳаҳо- 2,6 фоиз рост меояд.
Аз ҳаҷми умумии қарзҳои дар ин давра додашуда 32,0 фоиз ба соҳибкории истеҳсолӣ рост омада, маблағи 3,4 миллиард сомониро ташкил додааст. Инчунин имсол ба муштариён ба маблағи 7,9 миллиард сомонӣ қарзҳои хурд дода шуданд, ки нисбат ба соли 2023 24,0 фоиз зиёд мебошад. Фоизи миёнавазни қарзҳо дар моҳҳои январ-июни имсол бо пули миллӣ 23,1 фоиз ва бо асъори хориҷӣ 11,9 фоизро ташкил медиҳад.
Маблағгузории қарзӣ яке аз воситаҳои асосии таъмини рушди устувори иқтисодиёт, вусъат додани истеҳсолоти ватанӣ, устувор намудани иқтидори содиротӣ ва ташкили ҷойҳои нави кор ба шумор меравад.
Марзия САИДЗОДА,
АМИТ «Ховар»
АКС: АМИТ «Ховар»
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
Соли 2027 дар Душанбе ҷаласаи 49-уми Шурои байнидавлатӣ оид ба геодезия, харитасозӣ, кадастр ва мушоҳидаи фосилавии Замин доир мегардад
27 СЕНТЯБР — РӮЗИ ҶАҲОНИИ САЙЁҲӢ. Дар Тоҷикистон барои рушди сайёҳии дохилию байналмилалӣ тадбирҳои муассир андешида мешаванд
Пахтакорони ноҳияи Мастчоҳ азм доранд 25 ҳазор тонна пахта ҷамъоварӣ намоянд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Нуробод бо иштироки муовини Сарвазир оид ба пешгирии истифодаи ғайриқонунии неруи барқ ҷаласа баргузор шуд
Ҳамкории Тоҷикистон бо Британияи Кабир дар соҳаи саноат баррасӣ гардид
Роҳбарияти «Амонатбонк» дар Шанхай дар саммити байналмилалии «Huawei Connect 2026» иштирок намуд
РОҲИ БЕҲТАР ВА БЕХАТАР. Сокинони Вилояти Мухтори Кӯҳистони Бадахшон дар муддати 8-10 соат то шаҳри Душанбе мерасанд
