НИШАСТИ МАТБУОТӢ. Чаро дар шаҳри Норак талафоти неруи барқ зиёд аст?
НОРАК, 07.08.2024. /АМИТ «Ховар»/. Дар сохтори Шабакаҳои барқи шаҳри Норак соли 2023 талафоти неруи барқ 38 фоиз сабт гардид. Мутаассифона, дар шаҳре, ки қувваи барқ истеҳсол мегардаду сокинону корхонаҳои саноатии шаҳри Норак аз наздиктарин масофа қувваи барқро истифода менамоянд, талафоти неруи барқ аз ноҳияҳои дурдасти кӯҳистони минтақаи Рашт ҳам зиёдтар мебошад.
Зимни нишасти матбуотӣ хабарнигори АМИТ «Ховар» Субҳониддини Маҳмуд аз масъулини Шабакаҳои барқи шаҳри Норак сабабҳои ин мушкилӣ ва зиёд гардидани талафоти неруи барқро пурсон шуд. Сардори Шабакаҳои барқи шаҳри Норак Ҷамолиддин Комилзода гуфт, ки «дар шаш моҳи имсол талафоти барқ ба 33 фоиз расонида шудааст. Дар ин муддат 138 нафар барои истифодаи ғайриқонунии неруи барқ ҷарима шуда, 70 фоизи маблағҳои ҷарима баргардонида шуд».
Вале Ҷамолиддин Комилзода доир ба омилҳои сар задани талафоти неруи барқ ва ҷаримаҳо барои дуздии неруи барқ аз ҳисоби корхонаҳои саноатии шаҳри Норак посухи қонеъкунанда надод.
Раиси шаҳри Норак Фирӯза Шарифӣ дар нишасти матбуотӣ иброз дошт, ки корхонаҳои саноатии шаҳри Норак дар шаш моҳи аввали имсол ба маблағи 889,5 миллион сомонӣ маҳсулот истеҳсол намуданд, ки нисбат ба ҳамин давраи соли 2023 1 миллиону 551 ҳазор сомонӣ зиёд мебошад. Дар ин давра аз 21 корхонаи саноатии шаҳр 12 адади он суръати афзоиши ҳаҷми истеҳсоли маҳсулотро ба ҳисоби миёна нисбат ба ҳамин давраи соли 2023 74 фоиз зиёдтар таъмин намуданд.
Дар айни замон сохтмони коргоҳи истеҳсоли равған дар Ҷамъияти саҳомии пӯшидаи «ЗТМ» ва коргоҳи истеҳсоли меваҳои хушк идома дошта, соли 2024 мавриди баҳрабардорӣ қарор дода мешаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Имрӯз дар шаҳри Душанбе ҳаво то 30 дараҷа гарм мешавад
Дар даврони соҳибистиқлолӣ ҳаҷми истеҳсоли маҳсулоти кишоварзӣ дар ноҳияи Тоҷикобод 2,8 баробар афзоиш ёфт
СОЛИ МАЪРИФАТИ ҲУҚУҚӢ. Вобаста ба баланд бардоштани маърифати ҳуқуқии аҳолӣ дар Шуғнон вохӯрӣ доир шуд
Ба шарқи Тоҷикистон меравем: дар Бадахшон чиро дидан мумкин аст?
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
Дар Тоҷикистон 40 фоизи истеҳсоли картошка ба водии Рашт рост меояд
Дар ноҳияҳои минтақаи Рашт 16 муассисаи томактабӣ ва 131 маркази инкишофи кӯдак фаъолият доранд
Имрӯз дар шаҳри Душанбе ҳаво то 30 дараҷа гарм мешавад
ОМОДАГӢ БА ЗИМИСТОН. Беморхонаи марказӣ ва муассисаҳои таълимии ноҳияи Шаҳринав ба ин мавсим тайёрӣ мебинанд
«ТОЗАГИИ СОҲИЛ». Дар доираи ташаббуси экологӣ соҳилҳои Ҳафткӯл тоза карда шуд
«МегаФон Тоҷикистон» 5 усули пулкоркунӣ ҳангоми харидро пешниҳод менамояд
Имрӯз дар Тоҷикистон ҳаво то 30 дараҷа гарм мешавад
