НИШАСТИ МАТБУОТӢ. Дар 34 шаҳру ноҳияҳои Тоҷикистон ҳанӯз ҳам ширкатҳои сайёҳӣ таъсис наёфтаанд
ДУШАНБЕ, 06.08.2024 /АМИТ «Ховар»/. Ҳарчанд шумораи ширкатҳои сайёҳӣ дар мамлакат сол то сол зиёд мегардад, аммо таҳлилҳо нишон медиҳанд, ки дар 34 шаҳру ноҳияҳои мамлакат ҳанӯз ҳам ширкатҳои сайёҳӣ таъсис наёфтаанд, ки ин боиси нигаронӣ аст. Дар ин хусус Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод 5 август дар Душанбе зимни нишасти матбуотӣ ба хабарнигорон маълумот дод.
«Новобаста аз он ки шумораи субъектҳои хизматрасони сайёҳӣ зиёд мегардад, вале ин барои рушди устувори соҳаи сайёҳӣ ҳанӯз кифоя нест. Барои ҷалби сармоя, бахусус дар минтақаҳо бояд тадбирҳои зарурӣ андешида шавад»,- иброз дошт Раиси Кумитаи рушди сайёҳӣ.
Камолиддин Муминзод гуфт, ки барои беҳтар гардонидани кори ширкатҳои сайёҳӣ мақомоти дахлдорро зарур аст, ки дар якҷоягӣ бо Кумитаи рушди сайёҳӣ тадбирҳои мушаххас андешида, дар рушди сайёҳии дохилӣ саҳми назаррас гузоранд.
Иттилоъ дода шуд, ки дар шашмоҳаи аввали соли 2024 338 субъекти хизматрасони сайёҳӣ ба ҳисоб гирифта шуд, ки инҳо 209 меҳмонхона, 46 хостел ва мотел, 54 осоишгоҳ, 5 осоишгоҳи кӯдакона ва лагери солимгардонӣ, 7 маркази муолиҷавӣ ва дармонгоҳи солимгардонӣ, 10 хонаи истироҳатӣ, 3 кемпинг ва 4 базаи сайёҳӣ ва истироҳатӣ мебошанд. Шумораи миёнаи кормандони ин субъектҳои хизматрасон 4051 нафар мебошад.
Моҳинави НАВРӮЗ,
АМИТ «Ховар»
АКС: АМИТ «Ховар»
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
