НИШАСТИ МАТБУОТӢ. Дар Донишгоҳи давлатии тиббии Тоҷикистон ду ихтисоси нав омӯзонида мешавад
ДУШАНБЕ, 07.08.2024 /АМИТ «Ховар»/. Дар барномаи таълимии Донишгоҳи давлатии тиббии Тоҷикистон ба номи Абӯалӣ ибни Сино барои соли нави таҳсили 2025-2026 ду ихтисоси нав- «Биохимияи клиникӣ» ва «Психологияи тиббӣ» илова карда шуд, ки қадами нав дар рушди ин соҳаи муҳим мебошад. Ин матлабро ректори донишгоҳ Маҳмадшоҳ Гулзода имрӯз зимни нишасти матбуотӣ ба хабарнигорон баён намуд.
Бо назардошти талаботи соҳаи тандурустии мамлакат, баланд бардоштани сатҳу сифати хизматрасонии озмоишгоҳҳои тиббию иҷтимоӣ ва иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар ин самт ба таълими ин ду ихтисос дар соли таҳсили оянда иҷозат дода мешавад.
Донишгоҳ заминаи мусоидро барои омода намудани мутахассисони босалоҳият дар самти озмоиши клиникӣ омода намудааст. Вобаста ба ин барои пойгоҳи Пажуҳишгоҳи тибби бунёдии донишгоҳ дастгоҳҳои муосири озмоишӣ харидорӣ гардиданд.
Инчунин барои таъмини таҳсилоти босифат баҳри омода намудани мутахассисони самти психологияи тиббӣ Созишномаи ҳамкорӣ бо Донишгоҳи таҳқиқотии тиббии Приволжскийи Федератсияи Русия ва Донишгоҳи улумпизишкии Шерози Ҷумҳурии Исломии Эрон ба имзо расонида шуд. Дар доираи созишномаҳо мубодилаи академии омӯзгорон, таҷрибаомӯзӣ ва машғулияти муштарак амалӣ шуда, мутахассисон аз рӯи барномаҳои нави таълимӣ омода карда мешаванд.
Дар донишгоҳ аз рӯи 40 ихтисос мутахассисони соҳаи тандурустӣ дар зинаи таҳсили баъдидипломӣ, аз ҷумла таҳсил дар зинаи интернатура, ординатураи клиникӣ, ихтисосгирии аввалин, магистратура, аспирантура, докторантура аз рӯи ихтисоси (PhD) ва докторантура омода мешаванд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
