НИШАСТИ МАТБУОТӢ. Корхонаҳои Ёвон ба хориҷи Тоҷикистон беш аз 100 ҳазор тонна семент содирот намуданд
ЁВОН, 09.08.2024 /АМИТ «Ховар»/. Дар шашмоҳаи аввали имсол аз корхонаҳои истеҳсоли сементи ноҳияи Ёвон- «Хуаксин Ғаюр семент» 59 ҳазору 593 тонна ва аз корхонаи ҶДММ «Чжунгтсай моҳир семент» 49 ҳазору 245 тонна семент ба хориҷи мамлакат содирот гардидааст. Ҳамчунин дар ин давра 5 коргоҳи нави саноатӣ, аз ҷумла коргоҳи истеҳсоли дару тирезаҳои пластикии ҶДММ “Муҳаммад пласт” ва ҶДММ “Рустам пластик”, бомпӯшҳои оҳанини ҶДММ “Дидор сохтмон”, истеҳсоли хишти ҶДММ “Хиштҳои сабуки Ёвон” ва истеҳсоли мебели ҶДММ “Имрон мебел” бо шумораи умумии 20 ҷойи кори доимӣ ба истифода дода шуданд. Дар ин хусус зимни нишасти матбуотӣ Раиси ноҳияи Ёвон Бахтиёр Шарифӣ иттилоъ дод.
Дар ин давра корхонаи истеҳсоли маҳсулоти ширии ҶСП “Комрон Агрохолдинг”, корхонаи истеҳсоли халтаҳои полиэтилении ҶДММ “Комплекс Токфеникс”, истеҳсоли қуми ҶДММ “Сангу шағали Ёвон сохтмон” ва истеҳсоли хишти сементии ҶДММ “Музаффари Анушервон”, ки имконияти фаъол гардидан надоштанд, самти фаъолияташонро дигар намуда, аз рӯйхати корхонаҳои саноатӣ бароварда шуданд.
Зимни нишасти матбуотӣ иброз гардид, ки Шабакаҳои тақсимоти барқи ноҳияи Ёвон 265, 62 миллион-кВт неруи барқро қабул намуд, ки аз ин 200,5 миллион-кВт барқи фоиданок буд. Талафоти неруи барқ дар ноҳияи Ёвон 24,22 фоизро ташкил медиҳад. Ҳаҷми қарздорӣ аз истифодаи қувваи барқ 131,7 миллион сомониро ташкил медиҳад, ки нисбат ба ҳамин давраи соли 2023 74,03 миллион сомонӣ зиёд аст.
Қарздорӣ асосан аз ҳисоби корхонаҳои ҶСК “Тоҷикхимпром” 62,3 миллион сомонӣ, Идораи давлатии беҳдошти замин ва обёрии ноҳия- 40 ҳазор сомонӣ, аҳолӣ- 9,4 миллион сомонӣ ва корхонаи обу канализатсия 1,8 миллион сомонӣ мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Одил Дониш хостори тақвияти ҳамкорӣ бо Тоҷикистон гардидааст
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
