Роҳҳои мошингарди Хуҷанд – Конибодом, Гулистон – Кӯлоб, Гулистон – Фархор, Гулистон – Данғара, Ховалинг – Сангвор ва Балҷувон – Сарихосор навсозӣ мешаванд
ДУШАНБЕ, 26.08.2024 /АМИТ «Ховар»/. Ҷиҳати ҷалби сармоя лоиҳаҳои навсозии роҳҳои мошингарди Хуҷанд – Конибодом (75 км), Гулистон – Кӯлоб (32 км), Гулистон – Фархор (40 км), Гулистон – Данғара (49 км), Ховалинг – Сангвор (70 км) ва Балҷувон – Сарихосор (58 км) корбарӣ шуда истодаанд, хабар медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Чанд рӯз пеш дар шаҳри Душанбе роҳбарияти Вазорати нақлиёти мамлакат бо намояндагони бахши нақлиётии Фонди авруосиёии муътадилсозӣ ва рушд (ФАМР) масъалаи сохтмони 51 долони зиддитармавиро бо дарозии 5,2 километр дар қитъаҳои осебпазири роҳҳои мошингарди Тоҷикистон мавриди баррасӣ қарор доданд.
Айни замон дар мамлакат 12 лоиҳаи сармоягузорӣ ба маблағи 1,1 миллиард доллари ИМА, тибқи созишномаҳои қарзию грантӣ, татбиқ шуда истодааст. Тибқи нақша, корҳои сохтмонӣ дар роҳҳои мошингарди Обигарм – Нуробод, қитъаҳои 1 ва 2, Душанбе – Бохтар, қитъаи Қизилқалъа – Бохтар бо дарозии 9,2 км, Ҳулбук – Темурмалик – Кангурт бо масоҳати 58,9 км, Данғара – Лолазор бо дарозии 28,9 км, сохтмони марҳалаи дуюми нақби «Истиқлол», Душанбе – Кулма, қитъаи Қалъаихумб – Ванҷ – сарҳади ноҳияи Рӯшон идома доранд. Имсол тибқи нақша, дар ҷумҳурӣ дар доираи татбиқи 5 лоиҳаи сармоягузорӣ ба маблағи 436 миллион доллари амрикоӣ, аз ҷумла 23 пул бо дарозии 1,9 километр, 3 нақб бо дарозии 5,2 километр ва 156 километр роҳҳои аҳамияти байналмилалӣ ва ҷумҳуриявидошта ба истифода дода мешаванд, ки инҳо: роҳи Роғун-Обигарм –Нуробод 76 километр, Бохтар-Леваканд –Лолазор –Данғара 69 километр, аз шоҳроҳ то шаҳри Роғун 11 километр ва нақби «Истиқлол» марҳиллаи 2 мебошанд.
Дар баробари лоиҳаҳои татбиқшаванда, барои иҷрои дастуру супоришҳои Президенти мамлакат муҳтарам Эмомалӣ Раҳмон оид ба марҳала ба марҳала пурра таҷдиду таъмир намудани роҳҳо бояд 573 км роҳи мошингард ва 71 км роҳи оҳан лоиҳакашӣ карда шаванд. Аз ҷумла, роҳҳои мошингарди Айнӣ – Мастчоҳи Кӯҳӣ, Ғуфуров – Булоқ – Пунгон, Бохтар – Қубодиён – Шаҳритус – Айвоҷ, Хоруғ – Роштқалъа, роҳи таворавии шаҳри Кӯлоб, роҳи таворавии шаҳри Душанбе, Чимтеппа – Чиртак, сохтмони дутоӣ пул дар ноҳияҳои Рӯдакиву Восеъ, панҷ пул бо 5 км роҳ дар минтақаи Рашт, ки аз офатҳои табиӣ зарар дидаанд ва ғайра. Дар роҳи мошингарди Варшез – Кулма, аллакай, корҳои топографӣ оғоз шуда, инчунин, асосноккунии техникӣ – иқтисодии метрои шаҳри Душанбе аз ҷониби коршиносони кореягӣ идома дорад.
Рухсораи НУР,
АМИТ «Ховар»
АКС аз манбаъҳои боз
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
