«ТАЪТИЛРО БОСАМАР ГУЗАРОНЕМ!». Ин озмун дар Рӯзи китоб ҷамъбаст мегардад
ДУШАНБЕ, 28.08.2024. /АМИТ «Ховар»/. Бо ибтикори Донишгоҳи байналмилалии забонҳои хориҷии Тоҷикистон ба номи Сотим Улуғзода байни омӯзгорон ва донишҷӯёни донишгоҳ таҳти унвони «Таътилро босамар гузаронем!» ба тариқи фосилавӣ озмуни китобхонӣ ба роҳ монда шуд, ки 4 сентябр- дар Рӯзи китоб ҷамъбаст мегардад. Дар ин хусус ба АМИТ «Ховар» дар Донишгоҳи байналмилалии забонҳои хориҷии Тоҷикистон хабар доданд.
Дар доираи ин иқдом ҳар иштирокчӣ дар зодгоҳ ё ҷои истиқомат ҳангоми мутолиаи китоб акс гирифта, ҳамзамон дар бораи китоби хонда истодааш маълумоти мухтасар илова намуда, ба суроғаи донишгоҳ ирсол менамояд.
Озмун 20 июл оғоз гардида, то имрӯз дар он зиёда аз 30 нафар иштирок намуд. Довталабон имкон доранд то 4 сентябр дар озмун иштирок кунанд.
Довталабон аз рӯйи номинатсияи акси китобхони беҳтарин, манзараи беҳтарин ва намунаи нақли беҳтарин аз рӯйи китоби мутолианамудаи иштирокчӣ аз ҷониби устодони факултети филологияи донишгоҳ ва истифодабарандагони сомонаҳои иҷтимоӣ баҳогузорӣ гардида, ғолибон бо мукофоти хотиравӣ қадрдонӣ мешаванд.
Ёдовар мешавем, ки 17 сол қабл, 4 сентябри соли 2007 аз ҷониби Президенти Ҷумҳурии Тоҷикистон муҳтарам Эмомалӣ Раҳмон бо назардошти муҳимият ва гиромидошти китоб, китобдорӣ ва китобхонӣ хишти аввали Китобхонаи миллии Тоҷикистон гузошта шуда, ин рӯз- 4 сентябр дар мамлакат Рӯзи китоб эълон гардид.
Рӯзи китоб ва баргузории озмунҳои ҷумҳуриявӣ ҷомеаро ба арҷ гузоштан ба осори адибону олимон ва мутолиаи мунтазами китоб ҳидоят менамоянд.
АКС аз манбаъҳои боз
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
