ТИБ, БИОЛОГИЯ ВА ВАРЗИШ. Маркази миллии тестӣ гурӯҳи ихтисосҳои серинтихоби соли 2024-ро номбар намуд
ДУШАНБЕ, 01.08.2024. /АМИТ «Ховар»/. Маркази миллии тестии назди Президенти Ҷумҳурии Тоҷикистон гурӯҳҳои ихтисосҳои серинтихобро номбар намуд. Дар байни ихтисосҳо класстери 5 (тиб, биология ва варзиш) аз ҳама серинтихоб буда, шумораи довталабони онро интихобкарда 98,54 %-и ҷойҳои нақшавии ин гурӯҳро ташкил медиҳад.
Ба иттилои директори Маркази миллии тестӣ Сабзалӣ Ҷаъфарзода, солҳои пеш низ ин гурӯҳи ихтисосҳоро довталабон нисбат ба гурӯҳҳои дигар бештар интихоб мекарданд.
Тавре муовини якуми директори Маркази миллии тестии назди Президенти Ҷумҳурии Тоҷикистон Абдулбосит Шодиниё ба хабарнигорон иттилоъ дод, дар ҷойи дуюм класстери 4-ум -ихтисосҳои ҷомеашиносӣ ва ҳуқуқ қарор дорад. Теъдоди довталабоне, ки ин ихтисосҳоро интихоб кардаанд, ба 93,75 %-и шумораи ҷойҳои нақшавӣ баробар аст.
«Дар ҷойи сеюм гурӯҳи ихтисосҳои филология, педогогика ва санъат қарор дорад, ки теъдоди умумии довталабони номнависшуда ба 90 фоизи шумораи ҷойҳои нақшавӣ баробар мебошад»,-гуфт Абдулбосит Шодиниё.
Абдулбосит Шодиниё иброз дошт, ки довталабон ба гурӯҳи ихтисосҳои якум, яъне табиӣ ва техникӣ ва ихтисосҳои дуюм- иқтисод ва география камтар таваҷҷуҳ доранд, ки нишондиҳандаи ин ихтисосҳо ба 54,44 ва 79 фоиз баробар аст.
Зарангези ЛАТИФ,
Зоирҷони ТОИРЗОД (АКС)
АМИТ «Ховар»
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
