Тоҷикистон ва Қазоқистон Барномаи ҳамкорӣ дар соҳаи тарбияи ҷисмонӣ ва варзишро имзо намуданд
ДУШАНБЕ, 25.08.2024. /АМИТ «Ховар»/. 22 август дар шаҳри Душанбе Барномаи ҳамкорӣ дар соҳаи тарбияи ҷисмонӣ ва варзиш миёни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати сайёҳӣ ва варзиши Ҷумҳурии Қазоқистон ба имзо расид, иттилоъ медиҳад АМИТ «Ховар».
Мақсади ин барнома иҷрои маҷмуи тадбирҳо вобаста ба инкишоф додани ҳамкории самаранок дар соҳаи тарбияи ҷисмонӣ ва варзиш мебошад.
Тавре ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд, дар доираи барнома ташкили низоми омода намудани варзишгарони дараҷаи олӣ ба чорабиниҳои варзишии байналмилалӣ, истифодаи самараноки иншооти тарбияи ҷисмонӣ ва варзиш, инчунин табодули таҷриба дар соҳаи варзиш ва таъмини зиддидопингӣ дар назар аст.
Татбиқи ин барнома ҳамкории мақомоти давлатии тарбияи ҷисмонӣ ва варзиш, ташкилоти ҷамъиятӣ ва минтақавии тарбияи ҷисмонӣ ва варзишро таъмин менамояд.
Дар доираи барнома баргузории чорабиниҳои гуногун, аз қабили конференсияҳои илмӣ, машваратҳои омӯзишӣ, симпозиум оид ба масъалаҳои мубрами рушди соҳаи тарбияи ҷисмонӣ ва варзиш бо иштироки мутахассисон дар ҳудуди ду давлат дар назар дошта шудааст.
Инчунин тибқи барнома, ташкил ва баргузор кардани мусобиқаҳои варзишӣ дар ҳудуди ду давлат ва сохта ба истифода додани иншооти соҳаи варзиш ба нақша гирифта шудааст.
АКС: Хадамоти матбуоти Президенти Ҷумҳурии Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
