Тоҷикистон ва вилояти Свердловск ҳамкории тиҷоратиро тақвият мебахшанд
ДУШАНБЕ, 13.08.2024. /АМИТ «Ховар»/. 7 август тавассути конфронси видеоӣ Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода ва Президенти Палатаи савдо ва саноати Урал Андрей Беседин рушди ҳамкории тиҷоратӣ байни Ҷумҳурии Тоҷикистон ва вилояти Свердловски Федератсияи Русияро баррасӣ намуданд, хабар медиҳад АМИТ «Ховар» бо истинод ба Палатаи савдо ва саноати мамлакат.
Мусоҳибон иброз намуданд, ки иқтидори Ҷумҳурии Тоҷикистон ва бузургтарин минтақаи Русия ҳоло барои ҳамкории мутақобилан судманд ба қадри кофӣ истифода намешавад. Барои афзоиши гардиши мол, бахусус дар пасманзари дастурҳое, ки дар мулоқоти сарвазирон дар «ИННОПРОМ» баён шуданд, имконоти зиёди амалинашуда боқӣ мондаанд.
Ёдовар мешавем, ки дар ҳошияи Намоишгоҳи XIV байналмилалии саноатии «ИННОПРОМ», ки моҳи июли соли 2024 дар шаҳри Екатеринбург баргузор шуд, мулоқоти Раиси Ҳукумати Федератсияи Русия Михаил Мишустин ва Сарвазири Ҷумҳурии Тоҷикистон Қоҳир Расулзода баргузор гардид. Натиҷаи он амалӣ намудани дастурҳо оид ба тақвият бахшидани алоқаҳои иқтисодӣ дар ҳамаи сатҳҳо, аз ҷумла байни минтақаҳо буд.
Зимни конфронси видеоӣ таъкид гардид, ки ҳамкории ду давлат дар соҳаи соҳибкории хурду миёна, аз ҷумла иштироки соҳибкорон дар намоишгоҳу ҳамоишҳо бояд фаъол карда шавад.
Тасмим гирифта шуд, ки сафари тиҷоратии соҳибкорони Урал ба Ҷумҳурии Тоҷикистон ба нақша гирифта шавад. Ҳамчунин онҳо ба Намоишгоҳи байналмилалии универсалии «Тоҷикистон-2024», ки 24-26 октябр дар Душанбе баргузор мешавад, даъват шуданд.
АКС: Маркази матбуоти Палатаи савдо ва саноати Ҷумҳурии Тоҷикистон
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
