Ҳайати Тоҷикистон дар ҷаласаи 23-юми вазирони давлатҳои аъзои Созмони ҳамкории Шанхай иштирок намуд
ДУШАНБЕ, 13.09.2024 /АМИТ «Ховар»/. 12 сентябр дар шаҳри Исломободи Ҷумҳурии Исломии Покистон Вазири рушди иқтисод ва савдои Ҷумҳурии Тоҷикистон Завқӣ Завқизода дар ҷаласаи 23-юми вазирони иқтисод ва тиҷорати давлатҳои аъзои Созмони ҳамкории Шанхай (СҲШ) иштирок ва суханронӣ намуд. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Завқӣ Завқизода иброз намуд, ки бо шарофати сиёсати хирадмандона ва дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳбарони давлатҳои Созмони ҳамкории Шанхай муносибатҳо пайваста рушд ёфта, ба сатҳи олӣ баромадаанд. Ҷумҳурии Тоҷикистон рушди ҳамкориро дар доираи ин созмон яке аз афзалияти аввалиндараҷаи сиёсати хориҷии худ қарор додааст.
Дар натиҷа гардиши савдои хориҷӣ байни Тоҷикистон ва давлатҳои Созмони ҳамкории Шанхай давра ба давра тамоюли рушд касб намуда, ҳамасола беш аз 70 дарсади ҳиссаи гардиши савдои Тоҷикистон ба давлатҳои минтақаи Созмони ҳамкории Шанхай рост меояд.
Ҷониби Тоҷикистон таъкид намуд, ки ҳиссаи Созмони ҳамкории Шанхай қариб нисфи аҳолии ҷаҳон ва 27 фоизи Маҷмуи маҳсулоти дохилии глобалиро ташкил намуда, минтақа дорои бозори бузург ва имконоти васеъ мебошад.
Дар ин раванд Стратегияи рушди иқтисоди Созмони ҳамкории Шанхай барои давраи то соли 2030 бо ташаббуси Тоҷикистон таҳия гардида, аз ҷониби кишварҳои аъзои созмон қабул карда шуд. Дар робита ба ин Завкӣ Завқизода ба иштирокдорони ҷаласа барои таҳияи Нақшаи чорабиниҳои ин стратегия вобаста ба густариши ҳамкорӣ дар самтҳои иқтисоди рақамӣ ва «сабз», энергияи «сабз», тиҷорати электронӣ, таҳия ва татбиқи лоиҳаҳои калони инфрасохторӣ дар соҳаҳои энергетика, нақлиёт ва соҳаҳои инноватсионӣ, инчунин истифодаи васеи имконияти транзитии Тоҷикистон пешниҳоди мушаххас манзур намуд.
АКС: Вазорати рушди иқтисод ва савдои Ҷумҳурии Тоҷикистон
Дар бозори марказии Пенза барои фурӯши хушкмеваҳои Тоҷикистон гӯшаҳои махсус ҷудо карда шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Сарбанди Деҳқонобод дар обёрии беш аз 40 ҳазор гектар заминҳои кишоварзии Ҳамадонӣ, Фархор ва Восеъ нақши муҳим дорад
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Сарвазири Тоҷикистон бо фаъолияти ҶДММ «Парки нассоҷии шаҳри Кӯлоб» шинос гардид
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
Таҳкими ҳамкорӣ байни Тоҷикистон ва Хазинаи байналмилалии асъор баррасӣ гардид
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
