Бахшида ба 33-солагии Истиқлоли давлатӣ дар ноҳияи Рашт 73 иншооти гуногун ба истифода дода мешаванд
РАШТ, 12.09.2024 /АМИТ «Ховар»/. Дар доираи сафари кории Президенти Тоҷикистон муҳтарам Эмомалӣ Раҳмон биноҳои хуштарҳу замонавии муассисаҳои таҳсилоти миёнаи умумии №7-и деҳаи Шулмаки Ҷамоати деҳоти Боқӣ Раҳимзода, №6-и деҳаи Шаҳринави деҳоти Қалъанак, бинои иловагии кӯдакистони №1-и шаҳраки Ғарм, майдончаҳои варзишӣ дар деҳаҳои Ҳалқарфу Баҳористон, бинои маркази саломатӣ дар деҳаи Шулмак, маркази таъмири техникаҳои соҳаи кишоварзӣ дар деҳаи Кӯлоба ва 4 иншооти гуногун дар Ҷамоати шаҳраки Ғарм мавриди истифода қарор дода шуданд. Бунёди ин иншоот ба некуаҳволии сокинони маҳал мусоидат менамояд.
Дар ин хусус ба хабарнигори минтақавии АМИТ «Ховар» Субҳониддини Маҳмуд масъулини Мақомоти иҷроияи ҳокимияти давлатии ноҳияи Рашт иттилоъ доданд.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Рӯзи дониш иброз намуданд, ки «муҳимтарин вазифаи мактаб ва ҷомеа дар шароити нави таърихӣ аз он иборат аст, ки шогирдонро дар руҳияи хештаншиносӣ ва ифтихори миллӣ, ҳамчунин дарки равшани арзишҳои умумимиллӣ ва умумибашарӣ тарбия намоянд. Ин вазифа бояд тамоми низоми таълиму тарбияро фаро гирад».
Ёдовар мешавем, ки сокинону соҳибкорони ноҳияи Рашт бахшида ба ҷашни 33-солагии Истиқлоли давлатии Ҷумҳурии Тоҷикистон 73 иншооти гуногунро ба истифода медиҳанд. Инҳо марказҳои саломатӣ, майдончаҳои варзишӣ, коргоҳҳои истеҳсоли ҳасиб ва коғази ташноб, коргоҳҳои истеҳсоли хишти сементӣ, сохтмони истгоҳҳои замонавӣ, марказҳои хизматрасонӣ, толори варзиш, биноҳои истиқоматии баландошёна ва биноҳои маъмурии ҷамоатҳои деҳот мебошанд.
Инчунин майдони марказии шаҳраки Ғарм навсозӣ шуда, дигар иншооти муҳим сохта мешаванд.
АКС: Мақомоти иҷроияи ҳокимияти давлатии ноҳияи Рашт
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Роҳҳои маҳаллии шаҳри Панҷакент мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
35-СОЛАГИИ ИСТИҚЛОЛИ ДАВЛАТӢ. Роҳи деҳаи Нурободи ноҳияи Шаҳринав мумфарш карда шуд
