Баргузории Рӯзи дарҳои боз қадами муҳим дар роҳи таблиғи китоб ва китобхона мебошад
ДУШАНБЕ, 04.09.2024 /АМИТ «Ховар»/. Баргузории Рӯзи дарҳои боз қадами муҳим дар роҳи таблиғи китобу китобхона ва ҷалби омма ба омӯзиш мебошад. Ҳамасола 4 сентябр дар Тоҷикистон Рӯзи китоб таҷлил мешавад, ки ин нишони таваҷҷуҳи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин соҳаи ҳаётан муҳим дар қатори дигар иду ҷашнвораҳо мебошад. Ин матлабро имрӯз зимни Рӯзҳои дарҳои боз дар Китобхонаи миллии Тоҷикистон мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, доктори илмҳои филологӣ, профессор Масрур Абдуллозода баён намуд.
Тавре дар Китобхонаи миллии Тоҷикистон ба АМИТ «Ховар» иттилоъ доданд, зимни ифтитоҳи ҳамоиш намоиши дастовардҳои китобдорон пешниҳод гардид. Инчунин дар ин рӯз доираи васеи хонандагон ва дӯстдорони китоб бо имконияти ин макон шинос шуданд. Ҳамзамон байни мактаббачагони шаҳри Душанбе озмун доир ба мавзуи китоб ва таърихи китоб баргузор шуд.
Директори Китобхонаи миллии Тоҷикистон, доктори илмҳои педагогӣ, профессор Ҷумахон Файзализода иброз намуд, ки «рушди анъанаи китобдориву китобхонӣ яке аз самтҳои умдаи сиёсати фарҳангии Ҳукумати мамлакат мебошад. Ин гуфтаҳоро метавон ба озмунҳои ҷумҳуриявӣ, аз ҷумла «Фурӯғи субҳи доноӣ китоб аст», «Илм – фурӯғи маърифат», ««Тоҷикон» – оинаи таърихи миллат» ва даҳҳо дигар озмунҳои ба ин монанд рабт дод, ки барои баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ ва мусоидат ба рушди ҷаҳони маънавии сокинони мамлакат баргузор карда мешаванд».
Ёдовар мешавем, ки Рӯзи дарҳои боз дар Китобхонаи миллӣ ду рӯз: 4-5 сентябр доир шуда, меҳмонон метавонанд гӯшаҳои намоиши китоб, ҳунарҳои мардумӣ ва ҳунарҳои рассомиро тамошо намоянд.
АКС: Китобхонаи миллии Тоҷикистон
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
