Дар ҷаласаи Шурои ҳамоҳангсозии шарикони рушд масоили ҳифзи муҳити зист ва тағйирёбии иқлим баррасӣ шуд
ДУШАНБЕ, 20.09.2024 /АМИТ «Ховар»/. Масъалаҳои ҳифзи муҳити зист ва тағйирёбии иқлим дар ҷаласаи навбатии Шурои ҳамоҳангсозии шарикони рушд (Donor Coordination Council) дар самти ҳифзи муҳити зист ва тағйирёбии иқлим, ки дар Душанбе баргузор гардид, баррасӣ гардиданд.
АМИТ «Ховар» ба истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҷаласаро Агентии рушди байналмилалии Иёлоти Муттаҳидаи Амрико (USAID) ва Барномаи рушди Созмони Милали Муттаҳид /СММ/ ҳамраисӣ намуданд.
Дар ҷаласа кормандони Кумитаи ҳифзи муҳити зисти назди Ҳукумати ҷумҳурӣ дар мавзуъҳои «Чорабинии сатҳи баланд оид ба қатъномаи Маҷмаи Умумии Созмони Милали Муттаҳид «Соли 2025 – Соли байналмилалии ҳифзи пиряхҳо» дар Конфронси 29-уми тарафҳои Конвенсияи чаҳорчӯбаи Созмони Милали Муттаҳид оид ба тағйирёбии иқлим ва гуфтушунидҳои иқлимӣ», «Дар соли 2025 доир намудани Конфронси байналмилалӣ оид ба ҳифзи пиряхҳо дар шаҳри Душанбе» ва «Ташкил намудани павилиони пиряхҳо дар Конфронси 29-уми тарафҳои Конвенсияи чаҳорчӯбаи Созмони Милали Муттаҳид оид ба тағйирёбии иқлим» бо рӯнамо баромад намуданд.
Инчунин дар доираи ҷаласа аз ҷониби намояндагони Барномаи рушди Созмони Милали Муттаҳид ва Бонки Осиёии Рушд доир ба мавзуъҳои нақшаҳои миллии мутобиқшавӣ ва маблағгузории иқлимии Саҳми дар сатҳи миллӣ муайяншуда рӯнамоҳо пешкаши ҳозирин гардонида шуданд.
Дар анҷоми ҷаласа тарафҳо ба мувофиқа расиданд, ки Кумитаи ҳифзи муҳити зисти назди Ҳукумати мамлакат дархости худро вобаста ба масъалаҳои марбут ба аъзои шуро ба таври илова пешниҳод менамояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
