Дар Бӯстон даври шаҳрии Фестивали атласу адрас ва намоишу фурӯши он баргузор шуд
ДУШАНБЕ, 18.09.2024. /АМИТ «Ховар»/. Бо мақсади тарғибу ташвиқи либоси миллӣ, тарбияи зебоипарастӣ, эҳё ва ҳифзу нигоҳдошти беҳтарин суннатҳои мардумии ниёгон дар самти тарроҳии либоси анъанавии тоҷикона, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ ва рушди атласу адрасбофӣ дар шаҳри Бӯстон даври шаҳрии Фестивали атласу адрас ва намоишу фурӯши он баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бӯстон хабар доданд.
Иброз шуд, ки атласу адрасбофӣ аз ҳунарҳои таърихии тоҷикон маҳсуб шуда, то имрӯз маъруфияти зиёд дорад. Ин матоъҳо, ки хусусияти миллӣ ва фарҳангии миллати тоҷикро таҷассум менамоянд, дар мӯди ҷаҳонӣ васеъ истифода мегарданд.
Ҳунари атласу адрасбофӣ таърихи дароз дошта, навъе аз ҳунарҳои суннатӣ мебошад, ки то имрӯз қариб дар тамоми минтақаҳои ҷумҳурӣ маъмул аст. Дар замони муосир корхонаҳои адрасбофӣ дар ҳар шаҳру деҳаи мамлакат мавҷуд буда, талаботи мардум низ ба матои гуногуннақши адрас бештар мешавад.
Атлас матои рангаю сернақшу нигоре аст, ки аз рӯзи пайдоиш то имрӯз сифат ва мавқеи хоси худро гум накардааст. Он дар байни газворҳои дигари бофандагӣ «шоҳи матоъҳо» ба ҳисоб меравад.
Иттилоъ дода шуд, ки дар айни замон дар корхонаҳои абрешимбофии ҷумҳурӣ беш аз 30 навъи атлас истеҳсол мегардад.
Воқеан, бо либоси зебою беҳамтои миллӣ зани тоҷик чун олиҳаи ҳусн бемислу дилфиреб пеши назар ҳувайдо мегардад. Махсусан, гулкориҳои моҳиронаи либосҳои тоҷикона, ба монанди атласу адрасҳои пурҷилои рангоранг, чакан ва тоқиҳои пур аз нақшу нигори миллии тоҷикӣ имрӯз дар арсаи ҷаҳон шинохта шуда, дар олам беназиранд ва ҳамаро мафтун мегардонанд.
Тибқи Низомномаи баргузории даври шаҳрии Фестивали атласу адрас ва намоишу фурӯши он, аз рӯи номинатсияҳои намоиши либосҳои кӯдакона, идона, расмӣ ва намоиши либосҳои арӯсию домодӣ тарроҳону ҳунармандони ботаҷриба ва чирадаст дар симои гулдухтарон ва занону кӯдакон дар даври шаҳрии ин фестивал маҳсули ҳунари хешро ба маърази тамошо гузоштанд.
Дар фарҷом беҳтаринҳо бо дипломҳои дараҷавӣ ва туҳфаҳои хотиравии Мақомоти иҷроияи ҳокимияти давлатии шаҳри Бӯстон сарфароз гардонида шуда, ғолибон ба даври вилоятӣ роҳхат гирифтанд.
АКС: Мақомоти иҷроияи ҳокимияти давлатии шаҳри Бӯстон
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
Фаъолияти босамари корхонаи муштараки «Зарафшон»-и Панҷакент ба рушди саноат нигаронида шудааст
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Пешвои миллат Эмомалӣ Раҳмон бо лоиҳаи сохтмони Маркази агрологистикӣ дар шаҳри Хоруғ шинос шуданд
Сарвари давлат Эмомалӣ Раҳмон дар минтақаи саноатии Хоруғ 3 корхонаи нави саноатиро ба истифода доданд
Ҳамкории Тоҷикистон бо Британияи Кабир дар соҳаи саноат баррасӣ гардид
Имрӯз дар Душанбе вохӯрии чоруми вазирони саноати СҲИ баргузор гардид
