Дар ноҳияи Рашт иншооти соҳаи маориф ба истифода дода шуданд
ДУШАНБЕ, 16.09.2024. /АМИТ «Ховар»/. Ба ифтихори ҷашни Истиқлоли давлатӣ дар ноҳияи Рашт якчанд бинои нави муассисаҳои таълимӣ ифтитоҳ гардиданд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Рашт Муассисаи таҳсилоти миёнаи умумии №66, воқеъ дар деҳаи Дуобаи Ҷамоати деҳоти Тагоба ифтитоҳ карда шуд.
Муассиса аз 12 синфхона ва кабинетҳои фаннии бо сатҳу сифати баланд, тарҳи меъмории миллӣ ва ҷавобгӯ ба талаботи замони муосир бунёдгардида иборат мебошад.
Корҳои ободониву бунёдӣ дар атроф ва саҳни муассиса низ бо сатҳу сифати баланд ба анҷом расидаанд.
Вазири маориф ва илм бунёди чунин бинои хуштарҳу замонавӣ ва фароҳам шудани шароити муосирро барои таълиму тарбияи насли наврас натиҷаи таваҷҷуҳу дастгириҳои пайвастаи Сарвари давлат муҳтарам Эмомалӣ Раҳмон ва туҳфаи арзанда ба ҷашни 33-солагии Истиқлоли давлатӣ маънидод намуд.
Инчунин бинои иловагии Муассисаи томактабии ширхоргоҳ-кӯдакистони №1-и Ҷамоати шаҳраки Ғарм ба истифода дода шуд. Сохтмони бинои иловагӣ бо дарназардошти зиёдшавии аҳолӣ дар назди кӯдакистон аз ҳисоби маблағҳои буҷети маҳаллӣ ва дастгирии падару модарон соли 2022 оғоз гардида, дар сатҳи баланд ба анҷом расонида шуд. Тибқи лоиҳа, бинои иловагӣ аз 2 ошёна иборат буда, дорои 4 синфхона, ошхона барои 40 ҷойи нишаст, утоқи кории мудири кӯдакистон, утоқи кории ҳамшираи тиб ва анбор барои нигоҳдории хӯрокворӣ мебошад.
Ҳамзамон дар назди Муассисаи таҳсилоти миёнаи умумии №61 бинои иловагӣ барои ЗЗ8 ҷойи нишаст дар як баст дар деҳаи Шаҳринав, Ҷамоати деҳоти Қалъанаки ноҳияи Рашт, ки аз ҷониби соҳибкори ватанӣ Обидхуҷа Шарипов сохта шудааст, ба истифода дода шуд. Бинои иловагӣ аз 2 ошёна, 13 синфхонаи таълимӣ ва утоқҳои химия ва физика иборат мебошад.
Дар назди Муассисаи таҳсилоти миёнаи умумии № 7-и деҳаи Шулмаки Ҷамоати деҳоти Боқӣ Раҳимзодаи ноҳияи Рашт низ бинои иловагӣ барои 240 ҷойи нишаст дар як баст, ки аз ҷониби соҳибкори ватанӣ Қосимҷон Қодиров сохта шудааст, иборат аз 2 ошёна, 8 синфхонаи таълимӣ, утоқҳои кории директор, муовини директор ва созмони хонандагон ба истифода дода шуд.
АКС: Маркази матбуоти Вазорати маориф ва илми Ҷумҳурии Тоҷикистон
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Намояндагони ҷамъияти тоҷикони шаҳри Пенза бо донишҷӯёни тоҷик мулоқот намуданд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
Нишасти вазирони маорифи давлатҳои Осиёи Марказӣ ва Муғулистон баргузор гардид
