Дар ноҳияи Шамсиддини Шоҳин ҳамоиши вилоятии китобдорон баргузор гардид
Ш.ШОҲИН, 04.09.2024 /АМИТ «Ховар»/. 4 сентябр дар Тоҷикистон Рӯзи китоб таҷлил мешавад. Бахшида ба ин сана дар ноҳияи Шамсиддини Шоҳин бо иштироки директорони китобхонаҳои шаҳру ноҳияҳои минтақаи Кӯлоби вилояти Хатлон таҳти унвони «Китобхонаҳои вилоят дар давраи ҷомеаи иттилоотӣ ва ҷаҳонишавӣ» ҳамоиши омӯзишӣ баргузор гардид. Дар ин хусус хабарнигори минтақавии АМИТ «Ховар» Сулаймон Холзода хабар медиҳад.
Дар ҳамоиш иттилоъ дода шуд, ки дар айни замон дар вилояти Хатлон 492 китобхона фаъолият дошта, дар онҳо 189 компютер, 82 принтер ва 14 сканер мавҷуд аст.
То имрӯз китобхонаҳои вилоятии ба номи Шамсиддин Шоҳин, Садриддин Айнӣ, китобхонаи вилоятии бачагона дар шаҳри Кӯлоб, китобхонаҳои марказии шаҳру ноҳияҳои Бохтар, Норак, Ҷалолиддини Балхӣ, Дӯстӣ, Ёвон ва ноҳияи Ҳамадонӣ ба шабакаи интернет пайваст гардидаанд.
Ба китобдорон ташкили гӯшаҳои китобҳои тавсиявӣ барои озмунҳои ҷумҳуриявӣ, ворид намудани адабиёти тозанашр ва ташкили китобхонаҳои электронӣ тавсия дода шуд, ки ин омил ба ҷалби бештари хонандагон мусоидат мекунад.
Тавре корманди Раёсати фарҳанги вилояти Хатлон Саодат Раҷабзода иттилоъ дод, мақсад аз баргузор намудани ҳамоиш баланд бардоштани савияи дониши китобдорон ва тарзи дурусти корбарию коргузории онҳо бо муштариёни китоб мебошад.
Минбаъд барои баланд бардоштани малакаи кории директорон ва кормандони китобхонаҳо ҳамин гуна ҳамоишҳо ташкил карда мешаванд.
АКС: АМИТ «Ховар»
Имрӯз дар шаҳри Душанбе ҳаво то 31 дараҷа гарм мешавад
«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Имрӯз дар ноҳияҳои водигии Тоҷикистон ҳаво то 34 дараҷа гарм мешавад
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок дорад
Чат-боти Доно доир ба кор бо муроҷиати муштариён маълумот медиҳад
Имрӯз дар Тоҷикистон ҳаво то 28 дараҷа гарм мешавад
Дар Душанбе ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд
Донишгоҳи техникии Тоҷикистон ва Донишкадаи технологияҳои иттилоотии Чанчжоуи Чин ҳамкориро густариш медиҳанд
Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
СОЛИ МАЪРИФАТИ ҲУҚУҚӢ. Гурӯҳи корӣ бо сокинону фаъолони шаҳри Хоруғ вохӯрӣ анҷом дод
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
