Дар Ню-Йорк вохӯрии Гурӯҳи дӯстони об баргузор гардид
ДУШАНБЕ, 10.09.2024 /АМИТ «Ховар»/. 9 сентябр таҳти ҳамраисии Намояндагии доимии Тоҷикистон ва Намояндагии доимии Миср дар Созмони Милали Муттаҳид вохӯрии Гурӯҳи дӯстони об таҳти мавзуи «Об дар Саммити оянда, COP29 ва берун аз он» баргузор гардид. Дар ин хусус АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад.
Намояндагии доимии Тоҷикистон дар Созмони Милали Муттаҳид Ҷонибек Ҳикмат оид ба аҳамияти фаъолияти гурӯҳ, пешбурд ва инъикоси мавзуи об дар платформаҳои байналмилалӣ, ба мисли Саммити оянда, Саммити Конфронси ҷонибҳои Конвенсияи қолабии СММ оид ба тағйирёбии иқлим (COP29) таъкид намуда, таваҷҷуҳи ҳозиронро ба раванди конфронсҳои оби Созмони Милали Муттаҳид барои солҳои 2026 ва 2028 ҷалб кард.
Сипас, Намояндаи доимии Аморати Муттаҳиддаи Арабӣ оид ба қатъномаи қабулшудаи Маҷмаи Умумӣ «Ҷузъиёти Конфронси оби СММ 2026», намояндаи доимии Озарбойҷон оид ба раванди омодагӣ ба COP29 ва намояндаи доимии Нидерландия оид ба Эъломия оид ба наслҳои оянда маълумоти муфассал ироа намуданд.
Дар фарҷом иштирокчиёни нишаст оид ба пайгирии раванди татбиқи Рӯзномаи амали об, санадҳои ниҳоии Саммити оянда, Конфронси оби Созмони Милали Муттаҳид (солҳои 2026 ва 2028), Стратегияи фарогири Созмони Милали Муттаҳид оид ба об ва беҳдошт, бахусус таъйин намудани Намояндаи вежаи Созмони Милали Муттаҳид оид ба об табодули афкор намуда, баргузории чорабиниҳои марбутаро дар доираи гурӯҳ дастгирӣ карданд.
АКС: Намояндагии доимии Тоҷикистон дар Созмони Милали Муттаҳид
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
