Намояндагони Тоҷикистон дар ҷаласаи 45-уми Шурои маъмурии Ташкилоти патентии Авруосиё иштирок намуданд
ДУШАНБЕ, 10.09.2024. /АМИТ «Ховар»/. 9 сентябр дар қароргоҳи Ташкилоти патентии Авруосиё (ТПАО) дар шаҳри Москваи Федератсияи Русия ҷаласаи 45-уми навбатии Шурои маъмурии Ташкилоти патентии Авруосиё баргузор гардид, ки дар кори он муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода ва директори Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон Мирзо Исмоилзода иштирок намуданд.
Тавре дар Вазорати рушди иқтисод ва савдо ба АМИТ «Ховар» хабар доданд, дар ҷаласаи шуро масъалаҳои ташкилот, аз ҷумла баррасии лоиҳаи буҷети Ташкилоти патентии Авруосиё барои соли 2025, ворид намудани тағйирот ба Низомнома дар бораи боҷҳои Ташкилоти патентии Авруосиё барои амалҳои аз ҷиҳати ҳуқуқӣ муҳим, ворид намудани тағйирот ба Дастурамали патентӣ ба Конвенсияи патентии Авруосиё (КПАО) ва дигар масъалаҳои муҳим баррасӣ гардиданд.
Дар доираи Шурои маъмурӣ маросими ҷашни 30-солагии баимзорасонии Ташкилоти патентии Авруосиё баргузор гардид, ки Ашурбой Солеҳзода бахшида ба рӯзи таърихии ин ташкилот сухан намуд.
Ҳамзамон дар ҷаласа директори муассиса Мирзо Исмоилзода ба намояндагони Тоҷикистон, ки дар Идораи патентии Авруосиё фаъолият менамоянд, нишонҳои Муассисаи давлати Маркази миллии патенту иттилоотро тақдим намуд.
АКС: Вазорати рушди иқтисод ва савдои Ҷумҳурии Тоҷикистон
Дар Тоҷикистон имсол ангишт бештар истихроҷ гардидааст
Дар Тоҷикистон истеҳсоли гӯшти паранда беш аз 7 фоиз зиёд шудааст
Дар вилояти Хатлон ҷамъоварии пахта 40,76 фоизи нақшаи солонаро ташкил медиҳад
Дар ноҳияи Мир Сайид Алии Ҳамадонӣ зеристгоҳи нави 110 кВ-и «Чубек» ба истифода дода шуд
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
