ПОЯНДА БОД ИСТИҚЛОЛИ МИЛЛАТ! Дар Академияи идоракунии давлатӣ ҳамоиши илмӣ-фарҳангӣ баргузор гардид
ДУШАНБЕ, 07.09.2024 /АМИТ «Ховар»/. Ба муносибати 33-солагии Истиқлоли давлатии Ҷумҳурии Тоҷикистон дар саҳни бинои Академияи идоракунии давлатии назди Президенти Ҷумҳурии Тоҷикистон таҳти унвони «Поянда бод Истиқлоли миллат!» ҳамоиши илмӣ-фарҳангӣ баргузор шуд, хабар медиҳад АМИТ «Ховар» бо истинод ба академия.
Ректори Академияи идоракунии давлатӣ Даврон Сафарзода ҳозиринро бо Истиқлоли давлатии мамлакат табрик намуда, иброз дошт, ки Истиқлоли давлатӣ неъмати бузурге аст, ки бо пайки хеш нуру зиё, меҳру вафо, ободию озодӣ, ҳамфикрию ҳамзистӣ ва осоиштагиву абадиятро ба Тоҷикистон овард. Истиқлол мояи ифтихори ҳар шаҳрванд буда, такондиҳандаи ғурури миллӣ, заминасози рушду такомул ва пойдевори мустаҳками ваҳдату якпорчагӣ аст.
Дар 33 соли соҳибистиқлолӣ миллати мо дар саросари ҷаҳон соҳиби обрӯву манзалати хосса гардида, бо азму иродаи қавӣ тавассути созандагиву бунёдкории бомаром ба фардои дурахшон қадамҳои устувор гузошт ва беш аз пеш ба дастовардҳои шоён ноил гардид.
Хатарҳои замони муосир аз мо талаб менамоянд, ки дар баробари ҳамаи дигаргуниҳо ва тазодҳои раванди ҷаҳонишавӣ барои ҳифзи дастовардҳои замони истиқлол талош намоем. Вазифаи мо, насли имрӯз аз он иборат аст, ки истиқлолу озодӣ ва сулҳу ваҳдати мамлакатро ба наслҳои оянда бегазанд расонем.
Даврон Сафарзода аз дастовардҳои солҳои соҳибистиқлолӣ ёдоварӣ намуда, гуфт, ки ин муваффақияту дастовардҳо таҳти роҳбарии хирадмандонаи Пешвои миллат ба даст омадаанд. Давоми ин солҳо саноату кишоварзӣ, иқтисоду фарҳанг ва илму маорифи ҷумҳурӣ ба таҳаввулоти куллӣ рӯ ба рӯ гардида, Тоҷикистон ба мамлакати пешсафи саноативу иқтисодии минтақа табдил ёфт.
Дар ҳамоиш ба як зумра кормандону донишҷӯён барои натиҷаҳои назаррас дар таълиму тарбия ва фаъолияти ҷамъиятӣ Сипосномаи Академияи идоракунии давлатии назди Президенти Ҷумҳурии Тоҷикистон тақдим карда шуд.
Инчунин роҳбарият донишҷӯи муассиса, Чемпиони ҷаҳон оид ба гӯштингирӣ Масъуди Аҳмадзодро дар фазои тантанавӣ бо ин дастоварди бузург табрик намуда, ҳамчун нишони қадршиносӣ ӯро бо Сипосномаи Академия ва маблағи пулӣ қадрдонӣ намуд.
АКС: Академияи идоракунии давлатии назди Президенти Ҷумҳурии Тоҷикистон
Рӯзи фарҳанги ноҳияи Мастчоҳ шукуҳманд таҷлил карда шуд
Рӯзи фарҳанги шаҳри Нораку ноҳияи Ёвон бо намоиши молу маҳсулоти саноатӣ ва кишоварзӣ доир шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак барои кӯдакон муассисаҳои томактабӣ сохта мешаванд
КОРҲОИ ОБОДОНИЮ СОЗАНДАГӢ. Дар даромадгоҳи шаҳри Хоруғ дарвозаи нави замонавӣ бунёд карда мешавад
Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
НИШАСТИ МАТБУОТӢ. То ҷашни 35-солагии Истиқлоли давлатӣ беш аз 1400 иншоот ба истифода дода мешавад
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
