Президенти мамлакат Эмомалӣ Раҳмон дар ноҳияи Рашт бинои Ҷамоати деҳоти Боқӣ Раҳимзодаро ба истифода доданд
ДУШАНБЕ, 13.09.2024 /АМИТ «Ховар»/. 13 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бинои Ҷамоати деҳоти Боқӣ Раҳимзодаи ноҳияи Раштро ба истифода доданд.
Зимни шиносоӣ иттилоъ дода шуд, ки бинои Ҷамоати деҳоти Боқӣ Раҳимзода аз ду ошёна иборат буда, барои кормандон дар ҳуҷраҳои барҳаво шароит фароҳам оварда шудааст. Инчунин бино дорои толори барҳаво барои гузаронидани чорабиниҳои гуногун мебошад.
Корҳои сохтмонӣ дар бинои Ҷамоати деҳоти Боқӣ Раҳимзода моҳи майи соли 2023 оғоз гардида, бо маблағгузории Мақомоти иҷроияи ҳокимияти давлатии ноҳияи Рашт ба анҷом расонида шудааст.
Бунёди чунин бинои хуштарҳу замонӣ имкон медиҳад, ки ба корафтодагон хизматрасонӣ дар сатҳи баланд анҷом дода шавад.
Президенти Ҷумҳурии Тоҷикистон муҳтарам Эмомалӣ Раҳмон фароҳамшавии шароитро дар сатҳи маҳал барои пешрафти кор муҳим арзёбӣ карда, коргарону мутахассисонро ба иҷрои босифати уҳдадориҳои хизматӣ ҳидоят намуданд.
Ҳамзамон дар назди идораи ҷамоат осорхонаи шоир Боқӣ Раҳимзода бунёд шуда, нимпайкараи ӯ гузошта шудааст, ки ҳар як нафар метавонад бо намунаи ашъор ва зиндагиномаи шоири зиндаёд шинос шавад.
Таваҷҷуҳ ба намояндагони аҳли илму адаб аз сиёсати созандаву фарҳангпарвари Роҳбари давлат маншаъ гирифта, барои муаррифии бештари эҷодиёт ва рӯзгори ибратбахши фарзандони баруманди миллати тоҷик мусоидат мекунад.
Президенти Ҷумҳурии Тоҷикистон Эмомалӣ Раҳмон дар ҷаласаи Шурои сарони давлатҳо дар қолаби СҲШ+ иштирок намуданд
«ДУШАНБЕ — ШАҲРИ САБЗ». Дар пойтахт боғи нави фарҳангӣ-фароғатӣ бунёд карда мешавад
Президенти Ҷумҳурии Тоҷикистон Эмомалӣ Раҳмон дар ҷаласаи Шурои Сарони давлатҳои СҲШ таҳти унвони «25 соли СҲШ: таҳкими субот, густариши ҳамкорӣ барои рушди ояндаи муштарак» иштирок намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
НАҚШИ ЗАНОН ДАР ТАҲКИМИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Таҳти ин унвон ҳамоиши илмӣ-назариявӣ доир гардид
Президенти Ҷумҳурии Тоҷикистон Эмомалӣ Раҳмон дар маросими ифтитоҳи Бозиҳои ҷаҳонии кӯчманчиён иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Эрон Масъуди Пизишкиён мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Арманистон Никол Пашинян мулоқот намуданд
Президенти Ҷумҳурии Тоҷикистон Эмомалӣ Раҳмон бо Дабири кулли СММ Антониу Гутерриш мулоқот намуданд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар Душанбе китоби «Президент сказал: Любите!…» рӯнамоӣ гардид
Президенти Ҷумҳурии Тоҷикистон Эмомалӣ Раҳмон бо фиристодаи махсуси Президенти ИМА дар Осиёи Марказӣ ва Ҷанубӣ Серҷио Гор ва сенатори ИМА Стив Дейн мулоқот намуданд
