Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
ДУШАНБЕ, 16.09.2024 /АМИТ «Ховар»/. Корҳои сохтмонии 36 манзили истиқоматӣ дар деҳаи Сурхоби ноҳияи Фархор барои сокинони аз офати табиӣ зарардида 90 фоиз иҷро гардидааст.
Тавре дар хадамоти матбуоти Раиси вилояти Хатлон ба АМИТ «Ховар» иттилоъ доданд, барои сохтмони манзилҳои истиқоматӣ 18 гектар замин ҷудо гардида, дар айни замон 90 фоизи корҳои сохтмонӣ иҷро гардидааст. Сохтмон дар ду баст ҷараён дошта, кӯчаҳои маҳаллаи навбунёд сангфарш гардидаанд.
Иттилоъ дода шуд, ки раванди бунёди манзили зист барои оилаҳои аз офати табиӣ зарардида таҳти таваҷҷуҳи доимии Президенти Ҷумҳурии Тоҷикистон муҳтарам Эмомалӣ Раҳмон қарор дошта, хонаҳои нав дар муҳлати кутоҳтарин мавриди истифода қарор мегиранд.
Ёдовар мешавем, ки 25 майи соли 2024 дар натиҷаи бориши зиёд ва сел дар деҳаи Сурхоби ноҳияи Фархор якчанд манзили истиқоматӣ зарар дид.
АКС: Хадамоти матбуоти Раиси вилояти Хатлон
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
