«ТОҶИКИСТОН-ВАТАНИ АЗИЗИ МАН». Ба Низомномаи озмуни имсола якчанд тағйирот ворид карда шуд
ДУШАНБЕ, 24.09.2024 /АМИТ «Ховар»/. 23 сентябр дар Вазорати фарҳанги Ҷумҳурии Тоҷикистон ҷаласа оид ба омодагӣ ба баргузории даври сеюми Озмуни ҷумҳуриявии «Тоҷикистон -Ватани азизи ман» баргузор гардид, ииттилоъ доданд ба АМИТ «Ховар» дар ин вазорат.
Муовини Сарвазири Ҷумҳурии Тоҷикистон, Раиси Комиссияи ҷумҳуриявии Озмуни ҷумҳуриявии «Тоҷикистон -Ватани азизи ман» Дилрабо Мансурӣ иброз намуд, ки Озмуни ҷумҳуриявии «Тоҷикистон-Ватани азизи ман» таҳти сарпарастӣ ва назорати қатъии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон қарор дорад.
Иброз гардид, ки бо назардошти талаботи замон ва таҷрибаҳои андӯхта бо пешниҳоди мутахассисони соҳа ба Низомномаи озмуни имсола якчанд тағйирот ворид карда шуд. Аз ҷумла, ивазсозии номинатсияи композиторӣ ба оҳангсозӣ-бастакорӣ, иштироки шаҳрвандони давлатҳои хориҷӣ, ки дар Ҷумҳурии Тоҷикистон таҳсил ё фаъолият доранд, супоридани асарҳои ғолибони даври сеюми озмун аз номинатсияи санъати тасвирӣ ва дизайн ба Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон, ба таври ройгон қабул намудани ғолибони даври ҷумҳуриявии озмун ба ихтисосҳои омӯзгории равияи санъати тасвирӣ ва мусиқии муассисаҳои таҳсилоти миёнаи махсус, миёнаи касбӣ ва олии касбии мамлакат то муҳлати се сол бе супоридани имтиҳонҳо аз ҷумлаи ин навгониҳо мебошанд.
Тавре қаблан иттилоъ додем, даври сеюми Озмуни ҷумҳуриявии «Тоҷикистон-Ватани азизи ман» аз 25 то 30 сентябр баргузор мегардад. Даври сеюми озмун аз рӯи номинатсияҳо дар Консерваторияи миллии Тоҷикистон ба номи Талабхуҷа Сатторов, Коллеҷи санъати ба номи Аҳмад Бобоқулов ва Осорхонаи миллии Тоҷикистон доир мешавад.
Сардори Раёсати санъати Вазорати фарҳанги Ҷумҳурии Тоҷикистон Мирзоолим Саидов иброз намуд, ки дар даври сеюми Озмуни ҷумҳуриявии «Тоҷикистон-Ватани азизи ман» 525 довталаб аз тамоми шаҳру ноҳияҳои мамлакат иштирок мекунад. Дар даври якуми озмун 5302 довталаб иштирок карда, 2755 иштирокчӣ ба даври дуюм роҳхат гирифт. Таҳлили ҷамъбасти даври якум нишон медиҳад, ки иштироки довталабон нисбат ба ҳамин давраи соли 2023 860 нафар зиёд аст.
Ёдовар мешавем, ки Озмуни ҷумҳуриявии «Тоҷикистон-Ватани азизи ман» таҳти cарпарастии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз соли 2019 инҷониб баргузор мегардад.
Мақсад аз баргузории озмун- муаррифии фарҳанги волои миллати тоҷик, таблиғ ва эҳёи санъати миллӣ, эҳтиром ва арҷгузорӣ ба суннатҳои неки аҷдодӣ, баланд бардоштани сатҳи касбии асарҳои нави мусиқӣ, навозандагӣ, сарояндагӣ, маҳорати касбии ҳунари мусаввирӣ, ҳайкалтарошӣ, ороишгарӣ ва либосдӯзӣ, интихоби намунаҳои беҳтарини оҳангу суруд, коллексияҳо ва асарҳои рассомӣ мебошад.
АКС: Вазорати фарҳанги Ҷумҳурии Тоҷикистон
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
