«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
КӮЛОБ, 18.09.2024 /АМИТ «Ховар»/. Бо иқдоми Мақомоти иҷроияи ҳокимияти давлатии шаҳри Кӯлоб ва шуъбаи ҳифзи муҳити зисти шаҳр бо ҷалби кормандони корхонаю ташкилот ва сокинон дар сойи Тебалай, ки аз маркази шаҳр мегузарад, ҳашари тозагии соҳил гузаронида шуд.
Тавре сардори шуъбаи ҳифзи муҳити зисти шаҳри Кӯлоб Ҳасан Тағоев ба хабарнигори минтақавии АМИТ «Ховар» иттилоъ дод, ҳафтае як маротиба дар шаҳри Кӯлоб ҳашари тозагии соҳил ва тозагии маҳал гузаронида мешавад. Дар онҳо садҳо нафар сокинон иштирок намуда, даҳҳо метри мукааб партовҳоро ба ҷойҳои муайян мекашонанд. Ин иқдом шаҳрро аз ҳар гуна бемориҳои сироятӣ эмин дошта, кормандони Маркази назорати давлатии санитарӣ-эпидемиологӣ низ барои пешгирӣ аз хуруҷи бемориҳои сироятӣ назорати қатъӣ мебаранд. Ҳамин гуна ҳашарҳо дар дигар сою ҷӯйбор ва назди ташкилоту корхонаҳо гузаронида мешаванд.
Бояд гуфт, ки давоми солҳои охир партовҳои маишӣ аз ҳисоби зарфҳои пластикӣ ва дигар маводи аз пластмасса истеҳсолшуда хеле зиёд шудаанд. Ҳамзамон канори шоҳроҳҳо, партовгоҳҳо ва сою каналҳо аз онҳо пур шудааст. Зарфҳои пластикӣ барои кори кормандони коммуналӣ мушкилии зиёд ба бор овардаанд.
Дар аксар маврид чунин партовҳо дар ҷӯйборҳои обрав ва хатҳои ташноб ҷамъ шуда, вазъи санитарию эпидимиологиро вайрон мекунанд. Ба тариқи чунин ҳашарҳо даҳҳо метри мукааб партовҳо аз шаҳр берун бароварда мешаванд.
АКС: АМИТ «Ховар»
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
