УМРИ МИЛЛАТ БА УМРИ ЗАБОН ВОБАСТА АСТ! Дар Бӯстон бахшида ба Рӯзи забони давлатӣ конференсияи илмӣ-назариявӣ доир гардид
ДУШАНБЕ, 28.09.2024. /АМИТ «Ховар»/. Бахшида ба Рӯзи забони давлатӣ (5 октябр) дар шаҳри Бӯстон бо мақсади рушди забони давлатӣ, шинохти мақоми он, ташаккули худшиносию худогоҳии мардум ва таъмини иҷрои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» конфренсияи илмӣ — назариявӣ таҳти унвони «Умри миллат ба умри забон воаста аст» ва маҳфили «Посдорон ва дӯстдорони забони давлатӣ» доир гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бӯстон хабар доданд.
Зимни ҳамоиш аз иқдому ташаббусҳои дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти гиромидошт ва рушди забони давлатӣ ва амалигардонии Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва Қарори Ҳукумати Ҷумҳурии Тоҷикистон «Дар бораи Барномаи рушди забони давлатӣ барои солҳои 2020-2030» ёдоварӣ гардид.
Забон яке аз рукнҳои асосии давлату давлатдорӣ ба ҳисоб рафта, чун нишони ҳастии миллату давлат шинохта шудааст. Президенти Тоҷикистон муҳтарам Эмомалӣ Раҳмон нисбат ба забони давлатӣ эҳтироми бепоён доранд, ки он дар ҳама суханрониҳо ва паёмҳояшон баён мегардад. Ин эҳтиром далели арҷгузорӣ ба забони модарӣ-ганҷи бебаҳои меросу фарҳанги миллӣ дониста мешавад.
Пешвои миллат муҳтарам Эмомалӣ Раҳмон дар китобашон «Забони миллат – ҳастии миллат» дар ин маврид чунин нигоштаанд: «Арҷ гузоштан ба забони модарӣ омиле аст, ки сарчашмаи бақои ваҳдати миллӣ ва яке аз рукнҳои устувори давлатдорӣ ба шумор меравад. Зеро забони ширину шево ва шоиронаи тоҷикӣ дар масири таърих бақои миллати тоҷикро таъмин кардааст».
Дар анҷоми ҳамоиш фаъолони маҳфили «Посдорон ва дӯстдорони забони давлатӣ», ки дар рушди забони давлатӣ ва шинохти мақоми он дар шаҳр хизмати шоиста намудаанд, бо Сипоснома сарфароз гардонида шуданд.
АКС: Мақомоти иҷроияи ҳокимияти давлатии шаҳри Бӯстон
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
