Ҳайати Тоҷикистон дар Форуми минтақавии ҳифзи табиати Иттиҳоди байналмилалии ҳифзи табиат дар Брюггеи Белгия иштирок намуд
ДУШАНБЕ, 07.10.2024 /АМИТ «Ховар»/. Ҳайати Кумитаи ҳифзи муҳити зисти назди Ҳукумати Ҷумҳурии Тоҷикистон дар Форуми минтақавии ҳифзи табиати Иттиҳоди байналмилалии ҳифзи табиат /ИБҲТ/ — (IUCN -International Union for Conservation of Nature) барои Аврупо, Осиёи Шимолӣ ва Марказӣ, ки дар шаҳри Брюггеи Белгия доир гардид, иштирок намуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Форуми минтақавии ҳифзи табиати Иттиҳоди байналмилалии ҳифзи табиат барои Аврупо, Осиёи Шимолӣ ва Марказӣ яке аз марҳилаҳои омодагӣ ба конгресси ҷаҳонии ҳифзи табиати ин иттиҳод мебошад, ки дар назар аст соли 2025 дар Абузабӣ баргузор гардад.
Дар форум муовини Раиси Кумитаи ҳифзи муҳити зисти назди Ҳукумати ҷумҳурӣ Лоиқ Раҳмонзода доир ба комёбиҳои Тоҷикистон дар соҳаи ҳифзи муҳити зист ва олами набототу ҳайвонот сухан намуд. Ҳамзамон вай дар доираи мулоқотҳо бо намояндагони ташкилоти байналмилалӣ, аз ҷумла бо мудирони Иттиҳоди байналмилалии ҳифзи табиат дар минтақаи Аврупо Борис Эр ва дар минтақаи Аврупои Шарқӣ ва Осиёи Марказӣ Оливер Аврамоски масъалаҳои ҳамкории дуҷонибаро дар соҳаи экология, аз ҷумла масъалаҳои узвияти Кумитаи ҳифзи муҳити зистро дар Иттиҳоди байналмилалии ҳифзи табиат баррасӣ намуд.
Инчунин муовини Раиси Кумитаи ҳифзи муҳити зисти назди Ҳукумати ҷумҳурӣ бо директори генералии Иттиҳоди байналмилалии ҳифзи табиат хонум Гретел Агилар вохӯрӣ намуд. Пешниҳод шуд, ки вобаста ба узвияти Кумитаи ҳифзи муҳити зисти назди Ҳукумати Тоҷикистон ба Иттиҳоди байналмилалии ҳифзи табиат дар COP 16 чорабинии алоҳида ташкил карда шавад.
Таъкид шуд, ки мутахассисони Иттиҳоди байналмилалии ҳифзи табиат ба ҳамкорӣ дар соҳаи ҳифзи муҳити зист, бахусус гузаронидани мониторинги саршумори ҳайвоноти ваҳшӣ ҳамеша мусоидат мекунанд.
Ҳамзамон дар мулоқот бо директори Институти зоологии Қазоқистон Роман Яшенко ва ҳамоҳангсози Кумитаи миллии ЮНЕСКО масъалаҳои муайяни ҳамкорӣ дар самти ҳифзи муҳити зист баррасӣ шуданд.
Иттиҳоди байналмилалии ҳифзи табиат иттиҳоди ҷаҳонӣ буда, дар он беш аз 1400 ташкилоти давлатӣ ва ҷамъиятӣ муттаҳид гардидаанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
