Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
ДУШАНБЕ, 04.10.2024 /АМИТ «Ховар»/. Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» (Wildberries- Russ) дар доираи кори ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ Ёддошти тафоҳуми ҳамкорӣ ба имзо расонида шуд. Дар ин хусус ба АМИТ «Ховар» дар Палатаи савдо ва саноати ҷумҳурӣ хабар доданд.
Ёддошти ҳамкорӣ аз ҷониби муассиси Wildberries ва роҳбари Ҷамъияти дорои масъулияти маҳдуди «РВБ» Татяна Ким ва Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода ба имзо расонида шуд.
Ҷонибҳо барои таҳкими ҳамкории иқтисодӣ, дастгирии соҳибкорӣ дар Ҷумҳурии Тоҷикистон ва ҳамзамон рушди тиҷорати электронӣ ба мувофиқа расиданд.
«Имзои Ёддошти тафоҳуми ҳамкорӣ барои мо қадами стратегии муҳим барои таҳкими муносибатҳо бо Ҷумҳурии Тоҷикистон мебошад. Ман бовар дорам, ки таҷриба ва маҳоратҳои мо ба соҳибкорони маҳаллӣ барои рушди тиҷорат ва васеъ кардани он кумак хоҳанд кард. Фаъолият дар Русия ва дигар кишварҳое, ки мо ҳузур дорем, нишон медиҳад, ки ҳамкорӣ бо платформаи мо ба истеҳсолкунандагони маҳаллӣ кумак мекунад, то ба бозорҳои давлатҳои Иттиҳоди иқтисодии АвруОсиё (ЕАЭС) ва Тоҷикистон дастрасӣ пайдо кунанд»,- иброз намуд Татяна Ким.
Ҷамшед Ҷумъахонзода изҳор дошт, ки «дар назди Палатаи савдо ва саноати Ҷумҳурии Тоҷикистон Шуро оид ба рушди тиҷорати электронӣ ташкил шудааст. Ҳамкорӣ ва табодули таҷриба бо чунин ширкатҳои бузург, чун Wildberries ва имзои Ёддошти тафоҳуми ҳамкорӣ барои мо қадами бузург дар пешбурди тиҷорати электронӣ дар Ҷумҳурии Тоҷикистон мебошад».
АКС: Палатаи савдо ва саноати Ҷумҳурии Тоҷикистон
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
