Дар Бонки миллии Тоҷикистон оид ба таҷрибаи муосири байналмилалӣ дар соҳаи хизматрасонии молиявӣ ҳамоиш доир шуд
ДУШАНБЕ, 09.10.2024 /АМИТ «Ховар»/. Дар Бонки миллии Тоҷикистон дар доираи нақшаи чорабиниҳои амалисозии «Стратегияи миллии фарогирии молиявии Ҷумҳурии Тоҷикистон барои солҳои 2022-2026» дар мавзуи «Таҳияи вебсайти мутамарказ барои муқоисаи нархҳо/пешниҳодҳо» ҳамоиш баргузор гардид.
Дар ин хусус ба АМИТ «Ховар» дар Бонки миллии Тоҷикистон иттилоъ доданд.
Муовини Раиси Бонки миллии Тоҷикистон Гулбаҳор Назирӣ гуфт, ки «ҳадафи баргузории ҳамоиш муаррифии таҷрибаи муосири байналмилалӣ дар соҳаи хизматрасонии молиявӣ мебошад. Он ба иштирокдорони соҳа ва ҷонибҳои манфиатдор барои таҳияи сомонаи интернетӣ (веб-сайт)-и мутамарказ бобати муқоисаи нархҳо/пешниҳодҳо, муайян кардани қадамҳои таҳия, кушодани саҳифаи интернетии мутамарказ ва интихоби модели мувофиқ барои Тоҷикистон имкон медиҳад».
Роҳбари ҳайати бахши молияи Гурӯҳи Бонки ҷаҳонӣ дар кишварҳои Аврупо ва Осиёи Марказӣ Пиетро Каличе гуфт, ки «чунин саҳифаҳои интернетӣ бо мақсади фароҳам овардани шароити зарурӣ барои дарёфти хизматрасонии дахлдори молиявӣ бо нархҳои дастрас ва шартҳои мақбул, интихоби дурусти ташкилоти қарзӣ, ки талаботи истеъмолкунандагонро қонеъ намуда, аз лиҳози иқтисодӣ манфиатбахш мебошанд, таҳия мешаванд».
Мушовири байналмилалии Бонки ҷаҳонӣ иштирокдоронро бо таҷрибаи дигар давлатҳо дар ин самт бо пешниҳоди рӯнамо шинос намуд. Инчунин аҳли нишаст бо беҳтарин таҷрибаи ҷаҳонӣ дар самти таҳияи саҳифаи интернетии мутамарказ барои муқоисаи нархҳо/пешниҳодҳо ва танзиму назорати он шинос шуда, мулоҳизаҳои худро баён намуданд.
АКС: Бонки миллии Тоҷикистон
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
ҚУРБИ АСЪОР: 1 рубли русӣ аз 0.1000 то 0.1097 сомонӣ муқаррар шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
