Дар Донишгоҳи давлатии молия ва иқтисоди Тоҷикистон бахшида ба 30-солагии Конститутсия ҳамоиш баргузор шуд
ДУШАНБЕ, 29.10.2024 /АМИТ «Ховар»/. 26 октябр дар Донишгоҳи давлатии молия ва иқтисоди Тоҷикистон бахшида ба 30-солагии қабули Конститутсия таҳти унвони «Конститутсияи Ҷумҳурии Тоҷикистон-заминаи рушди ҳуқуқи инсон ва давлатдории миллӣ» конференсияи ҷумҳуриявии илмӣ-амалӣ баргузор шуд, хабар доданд ба АМИТ «Ховар» дар ин донишгоҳ.
Дар конференсия олимону муҳаққиқон ва ҳуқуқшиносони мамлакат мавзуъҳои гуногунро вобаста ба муҳимияти меъёрҳои Конститутсияи Ҷумҳурии Тоҷикистон баррасӣ намуданд.
Иброз гардид, ки Ҷумҳурии Тоҷикистон баъди ба даст овардани Истиқлоли давлатӣ ба марҳилаи нави инкишофи таърихӣ — бунёди давлати соҳибихтиёр, демократӣ, ҳуқуқбунёд, дунявӣ, ягона ва иҷтимоӣ ворид гардид. Рушди устувори сиёсиву иқтисодӣ ва иҷтимоиву фарҳангии ҷомеа аз самаранокии сиёсати ҳуқуқии ҷумҳурӣ вобастагӣ дорад.
Бо мақсади баланд бардоштани сатҳи маърифати ҳуқуқии аҳолӣ, ташаккули ҳисси масъулият ва эҳтиром нисбат ба Конститутсия ва қонунҳо, дарки ягонагии ҳуқуқ ва вазифаҳо ва амсоли ин масъалаи маърифатнокии аҳолӣ аз ҷониби давлату Ҳукумати ҷумҳурӣ мавриди амал қарор дода шудааст. Бо ин мақсад аз ҷониби Президенти Тоҷикистон муҳтарам Эмомалӣ Раҳмон соли 2024 Соли маърифати ҳуқуқӣ эълон гардид.
Дар конференсия дар мавзуъҳои «Саҳми Пешвои миллат дар ташаккулёбӣ ва рушди Конститутсияи Ҷумҳурии Тоҷикистон», «Нақши Конститутсия дар ташаккули амнияти иқтисодии Тоҷикистон», «Баъзе хусусиятҳои назариявии ислоҳоти конститутсионӣ дар Ҷумҳурии Тоҷикистон», «Нақши калидии Президенти Ҷумҳурии Тоҷикистон Эмомалӣ Раҳмон дар таҳкими ислоҳоти конститутсионӣ», «Нақши Конститутсияи Ҷумҳурии Тоҷикистон дар таҳкими давлатдории миллӣ», «Пешвои миллат — тарғибгари арзишҳои ҳуқуқиву демократии Тоҷикистони соҳибистиқлол» ва «Конститутсия ва таҳкими ҳокимияти судӣ» маъруза намуданд.
Таъкид шуд, ки Конститутсияи Ҷумҳурии Тоҷикистон соли 1994 яке аз дастовардҳои азими мардуми Тоҷикистон буда, таҳкурсии бунёди давлати соҳибихтиёр, демократӣ, ҳуқуқбунёд, дунявӣ, ягона ва иҷтимоиро гузошт. Имрӯз он барои ифодаи ҳуқуқии хусусияти давлатдории миллии тоҷикон дар арсаи байналмилалӣ нақши хоссаро доро мебошад.
Тамоми дастовардҳое, ки дар 30 соли амали Конститутсияи Тоҷикистон насиби халқу давлати мо гардидаанд, натиҷаи хираду фитрат ва заковати азими Президети мамлакат ва халқи Тоҷикистон мебошанд. Зеро маҳз бо иродаи аксари мутлақи мардуми ин сарзамини куҳанбунёд имрӯз ҷумҳурии моро дар ҷаҳони муосир ҳамчун давлати соҳибихтиёру ҳуқуқбунёд ва демокративу иҷтимоӣ эътироф мекунанд ва мавқеи онро ҳангоми ҳалли масоили умдаи байналмилалӣ ба инобат мегиранд.
АКС: Донишгоҳи давлатии молия ва иқтисоди Тоҷикистон
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
