Дар Донишгоҳи давлатии молия ва иқтисоди Тоҷикистон дар мавзуи муқовимат бо коррупсия ҳамоиш доир гардид
ДУШАНБЕ, 12.10.2024 /АМИТ «Ховар»/. «Муқовимат бо коррупсия яке аз самтҳои афзалиятноки сиёсати давлатӣ дар шароити таҳкими давлатдории миллӣ»-таҳти ин унвон 10 октябр ҳамоиши муштараки Донишгоҳи давлатии молия ва иқтисоди Тоҷикистон ва Агентии назорати давлатии молиявӣ ва мубориза бо коррупсияи Ҷумҳурии Тоҷикистон доир гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Иброз гардид, ки амалҳои коррупсионӣ ба рушди давлатҳо зарари ҷиддӣ мерасонанд ва монеаҳои гуногун ба вуҷуд меоранд. Аз ин рӯ, Ҳукумати Ҷумҳурии Тоҷикистон барои пешгирии ин гуна амалҳои носазо якчанд санадҳои меъёрии ҳуқуқӣ ба тасвиб расонидааст. Қонуни Ҷумҳурии Тоҷикистон «Дар бораи муқовимат ба коррупсия» аз ин ҷумла аст.
Дар Тоҷикистон мубориза бо коррупсия яке аз самтҳои афзалиятноки Хукумати Ҷумҳурии Тоҷикистон ба ҳисоб рафта, бо ин мақсад мақомоти дахлдор таъсис шуда, ҳуҷҷатҳои муҳим оид ба мубориза бо коррупсия таҳия ва қабул гардидаанд. Пас аз Конвенсияи Созмони Милали Муттаҳид дар ин самт ҷумҳурии мо беш аз 20 санади меъёриро, ки асосҳои ташкилию ҳуқуқии муқовимат бо коррупсияро дар бар мегиранд, қабул намудааст.
Дар ҷамъомад доир ба ҳадафҳои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030, муқовимат ба коррупсия ва баланд бардоштани сатҳи маърифати зиддикоррупсионӣ, санадҳои меъёрии ҳуқуқӣ ва роҳҳои баланд бардоштани маърифати ҳуқуқии шаҳрвандон изҳори андеша гардид.
Ба ҳолатҳои коррупсионӣ гирифтор шудани шаҳрвандони ҷумҳурӣ дар паст будани маърифати ҳуқуқии он мебошад. Яке аз ҳадафҳои Соли маърифати ҳуқуқӣ эълон гардидани соли 2024 аз ҷониби Пешвои миллат муҳтарам Эмомалӣ Раҳмон- ин пешгирӣ намудани ҳолатҳои коррупсионӣ дар ҷомеа ва баланд бардоштани сатҳи маърифатнокии ҳуқуқии шаҳрвандон ба ҳисоб меравад.
АКС: Донишгоҳи давлатии молия ва иқтисоди Тоҷикистон
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
