Дар Душанбе ҷаласаи Шурои директорони муассисаҳои таҳсилоти миёнаи касбӣ баргузор шуд

ДУШАНБЕ, 16.10.2024 /АМИТ «Ховар»/. 14 октябр дар шаҳри Душанбе ҷаласаи навбатии Шурои директорони муассисаҳои таҳсилоти миёнаи касбии Ҷумҳурии Тоҷикистон баргузор шуд, хабар медиҳад АМИТ «Ховар»  бо истинод ба Кумита  оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.

Дар ҷаласа масъалаҳои такмили ихтисоси омӯзгорон дар муассисаҳои таҳсилоти миёнаи касбӣ, чораҳои амалишуда дар самти татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», сифати таҳсилот дар муассисаҳои таҳсилоти миёнаи касбӣ дар ҷумҳурӣ ва  омода намудани кадрҳои баландихтисоси ба талаботи бозори меҳнат ҷавобгӯ баррасӣ гардиданд.

Таъкид шуд, ки роҳбарони муассисаҳои таҳсилоти миёнаи касбӣ баҳри рафъи норасоии маводи таълимӣ, ба ҷойи кор ҳозир нашудани мутахассисони ҷавон ва  таъмини базаи моддии техникӣ дар муассисаҳо чораҳои таъхирнопазир андешанд.

АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон