Дар Истаравшан ҷаласаи сайёри Шурои ҷамъиятии Ҷумҳурии Тоҷикистон баргузор шуд
ДУШАНБЕ, 26.10.2024 /АМИТ «Ховар»/. 23 октябр дар шаҳри Истаравшан ҷаласаи сайёри Шурои ҷамъиятии Ҷумҳурии Тоҷикистон якҷо бо шуроҳои ҷамъиятии вилояти Суғд — шаҳрҳои Хуҷанд, Истаравшан, Исфара, Гулистон, Бӯстон, Конибодом, Истиқлол, ноҳияҳои Бобоҷон Ғафуров, Ҷаббор Расулов, Спитамен, Мастчоҳ, Зафаробод, Деваштич ва Ашт баргузор шуд.
Тавре ба АМИТ «Ховар» дар Шурои ҷамъиятии Ҷумҳурии Тоҷикистон хабар доданд, ҷаласа дар мавзуи «Конститутсия-кафолати рушди босуботи Тоҷикистон» ба 30-солагии қабули Конститутсияи Ҷумҳурии Тоҷикистон бахшида шуд.
Дар маърузаҳо нақш ва саҳми Президенти Тоҷикистон муҳтарам Эмомалӣ Раҳмон дар таҳия ва қабули ин санади тақдирсоз ва натиҷаҳои дар 30 соли охир дар ҳама соҳаҳои ҳаёти иҷтимоӣ фароҳамомада баррасӣ шуданд.
Иброз гардид, ки Конститутсия ҳамчун қонуни асосии мамлакат на танҳо меъёрҳои ҳуқуқии давлат ва ҷомеа, балки заминаи ҳуқуқии рушди устувор, сулҳ ва суботро таъмин мекунад.
Зимни муҳокима намояндагони шаҳру ноҳияҳо ва фаъолони ҷомеаи шаҳрвандӣ фикру мулоҳизаҳояшонро манзур намуданд.
АКС аз манбаъҳои боз
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
