Дар Корхонаи истеҳсоли мебели нарми «Хонаобод»-и шаҳри Хоруғ 10 намуд маҳсулот истеҳсол карда мешавад
ДУШАНБЕ, 22.10.2024 /АМИТ «Ховар»/. Баъди ба истифода додани Корхонаи истеҳсоли мебели нарми Ҷамъияти дорои масъулияти маҳдуди «Хонаобод», дар Вилояти Мухтори Кӯҳистони Бадахшон мушкили дастрасии сокинон бо мебели хушсифат осон гардид. Дар корхонаи мазкур 10 намуд маҳсулот истеҳсол карда мешавад. Дар ин хусус АМИТ «Ховар» бо истинод ба Мақомоти иҷроияи Вилояти Мухтори Кӯҳистони Бадахшон хабар медиҳад.
Иттилоъ дода шуд, ки корҳои сохтмонӣ дар корхонаи мазкур моҳи январи соли 2024 оғоз гардида, дар муддати кутоҳ ба итмом расид.
Корхонаи мебелбарории «Хонаобод» аз ду сех иборат аст, ки дар онҳо 12 нафар сокини маҳаллӣ бо ҷойи кор таъмин гардидаанд. Дастгоҳу таҷҳизоти корхонаи истеҳсоли мебели нарм аз Ҷумҳурии Мардумии Чин ворид карда шудааст, ки бо истифода аз онҳо 10 намуд маҳсулот истеҳсол карда мешавад.
Роҳбарияти корхонаи мазкур тасмим гирифтааст, ки дар баробари таъмини талаботи бозори дохилӣ бо маҳсулот, онро ба хориҷи мамлакат низ содир намояд.
Ёдовар мешавем, ки 13 октябри соли равон зимни сафари корӣ ба Вилояти Мухтори Кӯҳистони Бадахшон Президенти мамлакат муҳтарам Эмомалӣ Раҳмон дар шаҳри Хоруғ Парки технологиро бо фарогирии якчанд корхонаҳои саноатӣ, аз ҷумла корхонаи истеҳсоли мебели нарм «Хонаобод» мавриди истифода қарор доданд.
Парки технологии шаҳри Хоруғ дар масоҳати 1,6 гектар бунёд гардида, дар он корхонаҳои коркард ва банду басти гӯшт, гиёҳҳои шифобахш, меваю сабзавоти хушк, коргоҳҳои хушкашуйӣ, истеҳсоли мебел ва ғайра мавҷуд мебошанд. Иқдоми мазкур дар доираи ҳадафи чоруми миллӣ – «Cаноатикунонии босуръати мамлакат» амалӣ гардидааст.
АКС: Хадамоти матбуоти Президенти Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
