Дар Москва ҷаласаи навбатии Шурои сарони давлатҳои аъзои Иттиҳоди Давлатҳои Мустақил баргузор мешавад
ДУШАНБЕ, 07.10.2024 /АМИТ «Ховар»/. Ҷаласаи навбатии Шурои сарони давлатҳои аъзои Иттиҳоди Давлатҳои Мустақил 8 октябр дар шаҳри Москва баргузор мешавад, хабар медиҳад АМИТ «Ховар» бо истинод ба маркази матбуоти Кумитаи иҷроияи Иттиҳоди Давлатҳои Мустақил.
Сарони давлатҳо дар бораи ҳамкорӣ дар чаҳорчӯби Иттиҳоди Давлатҳои Мустақил табодули назар карда, оид ба раёсат дар Иттиҳоди Давлатҳои Мустақил дар соли 2025 тасмим мегиранд.
Ҳамчунин дар назар аст, ки Муроҷиатнома ба мардуми мамлакатҳои иттиҳод ва ҷомеаи ҷаҳонӣ дар робита ба 80-солагии Ғалаба дар Ҷанги дуюми ҷаҳонии солҳои 1941-1945 муҳокима ва фаъолияти Ассамблеяи байнипарлумонии давлатҳои аъзои Иттиҳоди Давлатҳои Мустақил барои таҳкими ҳамкории ҳамгироишаванда ва дигар масъалаҳои рӯзнома баррасӣ шаванд.
Сарони давлатҳо дар бораи эълони пойтахтҳои фарҳангии Иттиҳоди Давлатҳои Мустақил барои се соли оянда қарор ба имзо расонида, ба якчанд санади марбут ба ҳамкорӣ дар соҳаи ҳуқуқ ва ҳамчунин соҳаи таъмини амният тағйироту иловаҳо дохил мекунанд.
Интизор меравад, ки дар нишаст ҳамчунин якчанд изҳороти сарони давлатҳои аъзои Иттиҳоди Давлатҳои Мустақил қабул шаванд.
АКС аз манбаъҳои боз
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
