Дар Намоишгоҳи байналмилалии «TajBuld-2024» маҳсулоти 70 ширкату корхонаи cаноатӣ ба намоиш гузошта шудааст
ДУШАНБЕ, 10.10.2024 /АМИТ «Ховар»/. Қариб 70 ширкату корхонаҳои cаноатию истеҳсолӣ аз 7 давлати ҷаҳон- Тоҷикистон, Русия, Қазоқистон, Узбекистон, Туркия, Чин ва Эрон молу маҳсулоташонро дар Намоишгоҳи сеюми байналмилалии сохтмонии «TajBuld-2024», ки имрӯз дар Dushanbe EXPO Centre –и пойтахт оғоз гардид, ба намоиш гузоштаанд, итттилоъ медиҳад хабарнигори АМИТ «Ховар».
Таъкид гардид, ки Намоишгоҳи сеюми байналмилалии сохтмонии «TajBuld-2024» барои муаррифии маҳсулот ва дастовардҳои соҳаи сохтмони мамлакат ва давлатҳои минтақа майдони фарох арзёбӣ мегардад.
Намоишгоҳи байналмилалии сохтмонии «TajBuld-2024» ба Солҳои рушди саноат (2022-2026) бахшида шуда, аз 10 то 13 октябри соли 2024 дар шаҳри Душанбе идома меёбад.
Намоишгоҳи байналмилалии сохтмонии «TajBuld-2024» бо дастгирии Ҳукумати Ҷумҳурии Тоҷикистон аз ҷониби Палатаи савдо ва саноати Тоҷикистон, Вазорати саноат ва технологияҳои нави мамлакат, Кумитаи давлатии сармоягузорӣ ва идораи амволи давлатии ҷумҳурӣ ва Ассотсиатсияи ширкати «TajBuld» гузаронида шуда, ҳадафи он саҳм гузоштан дар рушди соҳаи сохтмону саноат, санъати меъморӣ, рушди тавлидоти маҳсулоти ватанӣ ва тақвияти ҳамкорӣ бо ширкату корхонаҳои саноатию истеҳсолии давлатҳои ҷаҳон мебошад.
Намоишгоҳи байналмилалии «TajBuld -2024» аз шаш қисмат- маҳсулоти сохтмонӣ ва ороишӣ, меъморӣ ва ороишӣ, сохтмони манзилҳои наздишаҳрӣ, коммуникатсияҳои муҳандисӣ ва таҷҳизот,
техникаҳои махсус, механизмҳо, асбоб, либосҳои махсуси соҳавӣ ва моликияти ғайриманқул иборат мебошад. Дар намоишгоҳ беҳтарин дастовардҳо ва таҷрибаи пешқадами ширкатҳои бонуфузи сохтмонии хориҷӣ, маҳсулоти сохтмонӣ, технология ва таҷҳизоти махсуси соҳавӣ ба маъраз гузошта шудаанд.
Интизор меравад, ки дар доираи Намоишгоҳи байналмилалии сохтмонии «TajBuld -2024» мулоқоти роҳбарият ва намояндагони ширкатҳои сохтмонӣ ва корхонаҳои саноатие, ки самти фаъолияташон ба истеҳсоли маҳсулоти соҳаи сохтмон нигаронида шудааст, баргузор гардад.
Баргузории Намоишгоҳи байналмилалии сохтмонии «TajBuld -2024» дар татбиқи Нақшаи генералии шаҳри Душанбе саҳми муносиб мегузорад.
Марзия САИДЗОДА,
АМИТ «Ховар»
АКС: АМИТ «Ховар»
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
