Дар ноҳияи Шуғнон Маркази шуғли фосилавӣ ифтитоҳ гардид
ДУШАНБЕ, 10.10.2024 /АМИТ «Ховар»/. Дар Литсейи касбии техникии ноҳияи Шуғнон Маркази шуғли фосилавӣ ифтитоҳ гардид, хабар доданд ба АМИТ «Ховар» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.
Маркази шуғли фосилавӣ бо дастгирии Ҳукумати Ҷумҳурии Тоҷикистон ва шарикони рушд — Хазинаи кӯдакони Созмони Милали Муттаҳид (ЮНИСЕФ) ва Иттиҳоди Аврупо барои таъмини сокинони ин минтақаи дурдасти ҷумҳурӣ бо шуғл ба истифода дода шуд.
Марказ барои фароҳам овардани имконияти корӣ ва баланд бардоштани малакаҳои рақамии ҷавонони минтақа пешбинӣ шудааст. Тавассути ин марказ ҷавонону касбомӯзон имкон пайдо мекунанд, ки ба бозори байналмилалии меҳнат дохил шуда, аз имконоти мавҷуда васеъ истифода намоянд.
Солҳои охир мо шоҳиди рушди босуръати технологияҳои рақамӣ ва тағйироти куллӣ дар бозори меҳнат мегардем. Зуҳури бемории ҳамагири COVID-19 бисёр ташкилоту корхонаҳоро водор ба он намуд, то ба шакли шуғли фосилавӣ гузаранд. Бо вуҷуди ба миён омадани ташвишҳои нав имконияти хуб барои рушди касбӣ ва таълимӣ фароҳам омад.
Таъсиси маркази шуғли фосилавӣ, ки самти фаъолияташ ба таълими шуғли фосилавӣ равона шудааст, қадами муҳим барои кумита ва дар маҷмуъ, барои ҷомеаи мадании мо мебошад. Кумита оид ба таҳсилоти ибтидоӣ ва миёнаи касбӣ дар ҳамкорӣ бо шарикони рушд иқдом гирифтааст, ки теъдоди чунин марказҳоро дар ҷумҳурӣ зиёд намояд.
Бояд гуфт, ки ҳоло дар шаҳру ноҳияҳои Душанбе, Хоруғ, Панҷакент ва Бохтар марказҳои кории фосилавӣ фаъолият мекунанд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
