Дар Вашингтон масоили марбут ба тавсеаи ҳамкории бонкӣ байни Тоҷикистон ва Швейтсария баррасӣ шуд
ДУШАНБЕ, 25.10.2024 /АМИТ «Ховар»/. Тавсеаи ҳамкории бонкӣ байни Тоҷикистон ва Швейтсария дар мулоқоти Раиси Бонки миллии Тоҷикистон Фирдавс Толибзода бо раиси Бонки миллии Швейтсария Мартин Шлегел дар Вашингтон баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Ҷонибҳо аз сатҳи ҳамкории дуҷонибаи давлатҳо изҳори қаноатмандӣ намуда, вобаста ба ҳамкории кунунӣ дар самти кумаки техникии Бонки миллии Швейтсария оид ба рушди иқтидор (capacity building) ва ҳамкории минбаъда оид ба рақамисозӣ ва масоили иқлимӣ, шаклҳои пешниҳоди кумаки техникӣ дар соҳаи идоракунии захираҳои байналмилалӣ табодули назар намуданд. Изҳор дошта шуд, ки робитаҳои дӯстона ва самарабахш байни Ҷумҳурии Тоҷикистон ва Конфедератсияи Швейтсария минбаъд низ тақвият меёбанд.
Раиси Бонки миллии Тоҷикистон Фирдавс Толибзода бо ҳайати Бонки сармоягузории фаромиллии швейтсариии «UBS» мулоқот анҷом дод. Ҷонибҳо дар мулоқот вобаста ба масъалаҳои гуногуни иқтисоди ҷаҳонӣ, ҳамкории молиявӣ, тамоюли сармоягузорони соҳибихтиёр, вазъи бозори молиявию хавфҳои мавҷуда ва имконияти ҳамкорӣ дар соҳаи идоракунии захираҳои байналмилалӣ мубодилаи афкор намуданд.
АКС: Бонки миллии Тоҷикистон
Дар Душанбе Форуми дуюми зиддикоррупсионӣ оғоз гардид
ҚУРБИ АСЪОР: 1 евро аз 10.2200 то 10.2472 сомонӣ муқаррар гардидааст
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
