Хонандагони муассисаи таълимии ноҳияи Шуғнон соҳиби толори муосири варзишӣ мешаванд
ХОРУҒ, 08.10.2024 /АМИТ «Ховар»/. Бунёди миллии иҷтимоии маблағгузории Тоҷикистон дар ҳамкорӣ бо шарикони рушд барои хонандагони Муассисаи таҳсилоти миёнаи умумии рақами 14-и Ҷамоати деҳоти Поршиневи ноҳияи Шуғнон толори муосири варзишӣ бунёд мекунад. Мутобиқи нақша, бинокорон ин толорро то охири ҳамин сол мавриди истифода медиҳанд.
Мудири шуъбаи маорифи ноҳияи Шуғнон Ризо Кабирзода ба хабарнигори минтақавии АМИТ «Ховар» Файз Мирасан гуфт, ки «се муассисаи таълимии ҳамин ҷамоат дорои толорҳои варзишӣ ҳастанд, аммо толори наве, ки бунёд мегардад, дар байни муассисаҳои таълимии вилоят камназир мебошад. Дарозии ин толори бошукуҳ 22 метр, паҳноӣ 18 метр ва баландии он 10 метр мебошад. Толор барои тамрин ва баргузории бисёр намудҳои варзиш, ба мисли волейбол, баскетбол, карате, таэквондо ва намудҳои гуногуни гӯштин мувофиқ аст. Дар баробари хонандагон ҷавонон низ дар мувофиқа бо маъмурияти муассисаи таълимӣ метавонанд ба намуди дӯстдоштаи варзишии худ машғул шаванд».
Ба иттилои мудири маорифи ин ноҳия, дар Муассисаи таҳсилоти миёнаи умумии рақами 14 154 хонанда дар синфхонаҳои васеъ ва гарму барҳаво таҳсил мекунанд. Аммо нисбат ба омӯзгорони фанҳои дигар омӯзгори фанни тарбияи ҷисмонӣ бо фаро расидани фасли зимистон, ки баъзан то 6-7 моҳ идома меёбад, бо мушкилоти зиёд рӯ ба рӯ мешавад. Бояд дарсро ё зери барфу борон ё дар синфхонаҳо бо шашкаву шоҳмотбозӣ сипарӣ кунад. Аз ин рӯ толори варзишӣ барои муассисаҳои таълимии ин манотиқи кӯҳистонии ҷумҳурӣ хеле зарур аст.
Муҳандиси сохтмон Охирназар Имомназаров гуфт, ки «бунёди ин толорро бинокорони Ҷамъияти масъулияти маҳдуди «Довуд» бар уҳда доранд. Ҳоло 15 сохтмончии ин ҷамъият корҳои асосии сохтмонро ба анҷом расонда, ба андова кардани деворҳои толори варзишӣ ва утоқҳои дамгирӣ, либосивазкунӣ ва ҳуҷраҳо барои оббозӣ машғул мебошанд. Бо мақсади он ки дар фасли зимистон низ хонандагон дар ин ҷо бароҳат тамрин кунанд, фарши толор пурра аз чӯбу тахта сохта мешавад».
Як гурӯҳ коргарон атрофи толорро бо панҷара маҳкам намуда, барои шинонидани гулу буттаҳо гулдонҳо месозанд. Бинокорон кӯшиш мекунанд, ки ҳам намои даруни толор ва ҳам беруни он зебову дилрабо ва аз ҳама муҳим, сифати аъло дошта бошад, то муддати тӯлонӣ барои хонандагон хизмат кунад.
АКС:АМИТ «Ховар»
Доктор Ҳала Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
