«ИЛМ-ФУРӮҒИ МАЪРИФАТ». Ҷараёни даври чоруми озмун пурра тариқи шабакаҳои телевизионии мамлакат инъикос карда мешавад
ДУШАНБЕ, 19.10.2024 /АМИТ «Ховар»/. 18 октябр дар Академияи миллии илмҳои Тоҷикистон ҷаласаи корӣ оид ба баргузории даври чоруми Озмуни ҷумҳуриявии «Илм-фурӯғи маърифат» баргузор гардид. Дар ин хусус ба АМИТ «Ховар» дар ин академия хабар доданд.
Дар ҷаласа муовини Сарвазири Ҷумҳурии Тоҷикистон- Раиси комиссияи ҷумҳуриявии ин озмун Дилрабо Мансурӣ иброз намуд, ки ҷадвали макон ва замони баргузории даври чоруми Озмуни ҷумҳуриявии «Илм-фурӯғи маърифат» ҳарчи зудтар тасдиқ ва ба масъулин дастрас карда шавад. Инчунин ҳайати ҳакамон, комиссияи аппелятсионӣ, ҳайати ҳакамони иловагӣ ва масъулини даври чоруми Озмуни ҷумҳуриявии «Илм-фурӯғи маърифат» муайян шуда, тасдиқи он ба муассисаҳои мавҷуда дастрас карда шавад.
Таъкид гардид, ки ба хотири таъмини пурраи шаффофият, пешгирӣ аз ҳолатҳои баҳогузории ғайримеъёрӣ ва қонеъ гардонидани дархости иштирокчиён зарур аст, ки ҷараёни даври чоруми озмун пурра ба навор гирифта шуда, ба тариқи шабакаҳои телевизионӣ ва радиоии мамлакат инъикос карда шавад.
Ҳамзамон дар ҷаласа ба муассиси озмун- Академияи миллии илмҳои Тоҷикистон ва дигар ниҳодҳои дахлдор дастур дода шуд, ки барои баргузории даври ҷамъбастии Озмуни ҷумҳуриявии «Илм- фурӯғи маърифат» тадбирҳо андешида, даври ҷамъбастиро дар сатҳи баланд баргузор намоянд.
АКС: Академияи миллии илмҳои Тоҷикистон
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
