ҲИСОББАРОБАРКУНИИ ҒАЙРИНАҚДӢ. Ронандагон бо доштани чипи RFID аз кадом имтиёзҳо баҳраманд мегарданд?
ДУШАНБЕ, 09.10.2024. /АМИТ «Ховар»/. Танзимгар оид ба нигоҳдорӣ ва хизматрасонии роҳи мошингарди Душанбе-Чанок-филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон фаъолиятро бобати беш аз пеш маъмул гардидани пардохти ғайринақдӣ тавсеа бахшида, барои пардохти ғайнинақдӣ шумораи дорандагони кортҳои пардохтӣ ва RFID (чипе, ки онро дар пештоқи оинаи автомобил насб карда, бе таваққуф плазаро гузаштан имконпазир аст)-ро бештар гардонидааст. Дар ин хусус ба АМИТ «Ховар» дар ин ширкат хабар доданд.
Бо шарофати тадбирандешиҳои бетаъхир пардохти ғайринақдӣ вусъат ёфта, мутаносибан ба 13 308 ва 46 821 нафар расидани теъдоди дорандагони кортҳои пардохтӣ ва RFID далели ин гуфтаҳо аст.
Аз тасвиби Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» як солу ду моҳ сипарӣ гардид. Тибқи фармон, аз 1 августи соли 2023 пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, хизматрасонии коммуналӣ, намудҳои дигари хизматрасонии давлатӣ, инчунин қабули маблағ аз ҷониби вазорату идораҳо ва ташкилоти давлатӣ ба тариқи ғайринақдӣ амалӣ мешавад.
Дар ин замина, тибқи иттилои ширкат, то тасвиби ин фармон нишондиҳандаҳо дар ин роҳ чанд маротиба кам буд.
Арзонтар будани маблағи гузариш аз плазаҳои толлингӣ нисбат ба пардохти нақдӣ, ройгон пешниҳод намудани RFID, кортҳои пардохтӣ ва зиёд намудани хатсайрҳои экспресс корҳои дар робита ба ин масъала амалигардида маҳсуб мешаванд.
Дастрасӣ ба ин хизматрасонӣ дар муддати кӯтоҳ имконпазир буда, шаҳрвандонро мебояд нусхаи шиноснома, нусхаи РМА (ИНН), нусхаи шиносномаи техникии автомобил, нусхаи ваколатномаро (агар воситаи нақлиёт таҳти соҳибияти шахси дигар бошад), пешниҳод намоянд.
АКС: Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
