Маҳмадтоир Зокирзода дар ҷаласаи дуюми раисони парлумонҳои давлатҳои Осиёи Марказӣ ва Ҷумҳурии Корея суханронӣ намуд
ДУШАНБЕ, 14.10.2024. /АМИТ «Ховар»/. Имрӯз дар шаҳри Ашқободи Туркманистон таҳти унвон «Шарикӣ ба хотири сулҳу шукуфоӣ ва эътимоди тарафайн» ҷаласаи дуюми раисони парлумонҳои давлатҳои Осиёи Марказӣ ва Ҷумҳурии Корея ба кор шуруъ намуд. Дар ин хусус АМИТ «Ховар» бо истинод ба Маҷлиси намояндагони Маҷлиси Олии Ҷумҳурии Тоҷикистон хабар медиҳад.
Дар кори ҷаласа раисони парлумонҳои Тоҷикистон, Қазоқистон, Қирғизистон, Туркманистон, Узбекистон ва Ҷумҳурии Корея иштирок намуданд.
Дар ҷаласа Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода иброз дошт, ки вохӯрии имрӯзаро имконияти мусоид барои муҳокимаи масъалаҳои мубрами шарикӣ ва таҳияи амалҳои дастҷамъӣ барои ҳалли онҳо мешуморад.
«Дар шароити афзоиши ноустуворӣ, инчунин афзоиши фишори таҳдидҳои амниятӣ масъалаҳои таҳкими сулҳу субот ва таъмини рушди минбаъда сазовори таваҷҷуҳи махсус мебошанд. Боварӣ дорам, ки идомаи муколамаи мо дар доираи қолаби «Осиёи Марказӣ ва Ҷумҳурии Корея» минбаъд низ ба талошҳои муштарак барои муайян намудани самтҳои ояндадори ҳамкории бисёрҷониба ва ба даст овардани натиҷаҳои амалӣ мусоидат менамояд. Мо бояд ин майдонро бо мақсади фароҳам овардани имконияти нав барои рушди ҳамкории минбаъдаи гуногунҷанба истифода барем»,-афзуд ӯ.
Изҳори умед карда шуд, ки қарорҳои дар ин ҷаласа қабулшуда дар роҳи рушди минбаъда ва таҳкими робитаҳои байнипарлумонӣ байни кишварҳо қадами муҳим хоҳад буд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон ҷаласа доир шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Доир ба ҳамоҳангсозии фаъолияти Маҷлиси миллӣ бо Маҷлиси намояндагон ва ҳокимияти иҷроия ҷаласа баргузор шуд
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
