Маҳсулоти кишоварзии Тоҷикистон дар вилояти Акмолаи Қазоқистон муаррифӣ шуд
ДУШАНБЕ, 02.10.2024 /АМИТ «Ховар»/. 28 сентябр дар шаҳри Кокшетауи вилояти Акмолаи Ҷумҳурии Қазоқистон намоишгоҳи фурӯши молу маҳсулоти кишоварзии Ҷумҳурии Тоҷикистон доир гардид, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Дар намоиш Сафири Фавқулода ва Мухтори Ҷумҳурии Тоҷикистон дар Ҷумҳурии Қазоқистон Хайрулло Ибодзода ва ҳокими вилояти Акмола Марат Ахметжанов иштирок намуданд.
Дар намоиш 30 номгӯй молу маҳсулоти кишоварзӣ дар ҳаҷми 400 тонна, аз қабили полезиҳо, меваҷот, сабзавоти тару тоза, 100 тонна маҳсулоти саноатии консерва, обҳои нӯшокӣ, афшураи меваю сабзавот, хушкмеваҳо ва маҳсулоти қаннодӣ ба сокинони вилояти Акмола пешкаш карда шуд.
Ҳамчунин дар доираи намоиш Сафири Фавқулода ва Мухтори Ҷумҳурии Тоҷикистон дар Ҷумҳурии Қазоқистон Хайрулло Ибодзода бо ҳокими вилояти Акмола Марат Ахметжанов ва намояндагони ҷамъияти тоҷикон- шаҳрвандони мамлакат, ки дар вилояти Акмола фаъолият мекунанд, мулоқотҳо баргузор намуд.
Зимни мулоқот бо ҳокими вилояти Акмола доираи васеи масъалаҳои робитаҳои дуҷониба, аҳамияти калони ҳамкории Ҷумҳурии Тоҷикистон бо вилояти Акмолаи Ҷумҳурии Қазоқистон, густариши ҳамкории иқтисодию тиҷоратӣ, фарҳангию гуманитарӣ, сайёҳӣ, ҷалби сармояи мустақим ва имконияти содиротии Тоҷикистон, ҳамкории зич бо минтақаҳои саноатӣ ва кишоварзии ҳарду ҷониб таъкид гардид.
АКС: Вазорати корҳои хориҷии Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
