Намояндагони бахши иқтисодии Тоҷикистон бо ҳайати Хазинаи Байналмилалии Асъор марҳилаи аввали татбиқи барномаи воситаҳои ҳамоҳангсозии сиёсатро баррасӣ намуданд
ДУШАНБЕ, 07.10.2024/АМИТ «Ховар»/. Марҳилаи аввали татбиқи барномаи воситаҳои ҳамоҳангсозии сиёсат (Policy Consultation Instrument — PCI) дар мулоқоти роҳбарият ва намояндагони бахши иқтисодии мамлакат, таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода бо ҳайати Хазинаи Байналмилалии Асъор (ХБА), таҳти роҳбарии Мэтю Гартнер-роҳбари ҳайати ХБА дар шаҳри Душанбе баррасӣ гардид, хабар медиҳад АМИТ «Ховар» бо истинод ба Бонки миллии Тоҷикистон.
Ҳоким Холиқзода барои ҳамкорӣ дар самти таҳкими сиёсати иқтисодӣ ва дастгирии татбиқи барномаи фишанги ҳамоҳангсозии сиёсат дар Ҷумҳурии Тоҷикистон ба роҳбарияти Хазинаи Байналмилалии Асъор миннатдорӣ баён намуд.
Таъкид шуд, ки оид ба иҷрои ҳадафҳои миқдорӣ дар доираи барномаи PCI бо ҳайати Хазинаи Байналмилалии Асъор ҳамдигарфаҳмӣ ба даст оварда шудаст, ки нишондиҳандаҳои миқдорӣ ва ҳадафҳои ислоҳоти барои баррасӣ гузошташуда гувоҳи он мебошанд. Аз ҷумла, сарфи назар аз сатҳи баланди номуайянии сиёсиву иқтисодӣ дар ҷаҳон, дар натиҷаи ислоҳоти пайгирона нишондиҳандаҳои иқтисодии Тоҷикистон дар давоми соли 2024 мусоид боқӣ мемонанд. Сиёсати пулию қарзӣ самаранокии худро дар нигоҳдории таваррум дар сатҳи поёнтар аз доираи мақсадноки Бонки миллии Тоҷикистон нишон дода, касри буҷет дар сатҳи пасттар аз нишондиҳандаи мақсадноки барнома нигоҳ дошта мешавад. Тоҷикистон минбаъд низ барои таҳкиму устувории иқтисодиёт дар доираи барномаи фишанги ҳамоҳангсозии сиёсат тадбирҳои зарурӣ меандешад.
Роҳбари ҳайати Хазинаи Байналмилалии Асъор Мэтю Гартнер тамоюли мусбат доштани нишондиҳандаҳои Ҷумҳурии Тоҷикистонро таъкид намуд. Ӯ гуфт, ки дар доираи татбиқи барнома, ҳайати Хазинаи Байналмилалии Асъор бо тамоми вазорату идораҳои шомили барнома вохӯриҳо гузаронида, шарҳу эзоҳи пешниҳодгардида дар давраҳои минбаъдаи музокирот ба инобат гирифта мешаванд.
Муовини якуми Сарвазири мамлакат афзуд, ки ҷониби Тоҷикистон ба муколамаи созанда доир ба ҳама гуна масъалаҳои татбиқи барнома омода буда, тавсияҳо ва андешаи коршиносони ХБА-ро дар ин раванд муҳим арзёбӣ менамояд.
«Мо итминон дорем, ки татбиқи барнома ба ҳавасмандгардонии маблағгузории иловагии лоиҳаҳои афзалиятноки иҷтимоӣ ва инфрасохторӣ бо мақсади мусоидат ба рушди устувор ва фарогир кумак хоҳад кард», -изҳор дошт муовини якуми Сарвазири ҷумҳурӣ.
АКС: Бонки миллии Тоҷикистон
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
ҚУРБИ АСЪОР: 1 доллари ИМА аз 9.3200 то 9.4009 сомонӣ муқаррар шудааст
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
