Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
ДУШАНБЕ, 06.10.2024 /АМИТ «Ховар»/. Ҳайати олимони Институти илмии таҳқиқоти ветеринарии Академияи илмҳои кишоварзии Ланчжои Ҷумҳурии Мардумии Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуд. Дар ин хусус ба АМИТ «Ховар» дар Институти тибби ветеринарии ин академия хабар доданд.
Олимони чинӣ бобати ташхиси саривақтии бемориҳои фаромарзӣ бо истифода аз усулҳои муосир барои кормандони Институти тибби ветеринарии Академияи илмҳои кишоварзии Тоҷикистон даврҳои омӯзишӣ баргузор намуданд.
Усулҳои муосир барои ташхиси гули бузу гӯсфандон, илтиҳоби гиреҳи пӯстӣ, тоуни чорвои хурди шохдор, вабои суму даҳондард истифода гардида, аз ҷониби коршиносони чинӣ маҷмуи ташхисҳо барои муайянсозии ин бемориҳо дастрас гардид.
Ҳамчунин коршиносони чинӣ бо фаъолияти якчанд хоҷагии чорводорӣ шинос шуда, фаъолияти масъулини ин хоҷагиҳоро дар роҳи пешгирӣ аз бемориҳои сироятӣ муҳим арзёбӣ намуданд.
Коршиносони чинӣ бо озмоишгоҳҳои институт ва фаъолияти олимони тоҷик шинос шуда, барои тавсеаи ҳамкории илмию таҳқиқотӣ олимони тоҷикро барои шиносоӣ ба институтҳои таҳқиқотии Ҷумҳурии Мардумии Чин даъват карданд.
АКС: Институти тибби ветеринарии Академияи илмҳои кишоварзии Тоҷикистон
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
