ОМӮЗГОРОН-ПОСДОРОНИ ЗАБОНИ МИЛЛАТ. Дар Донишкадаи давлатии санъати тасвирӣ ва дизайни Тоҷикистон ҳамоиши тантнавӣ доир шуд
ДУШАНБЕ, 06.10.2024. /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон бахшида ба Рӯзи забони давлатӣ ва Рӯзи омӯзгорон таҳти унвони «Омӯзгорон – посдорони забони миллат» ҷамъомади фарҳангии тантанавӣ баргузор гардид. Дар ин хусус ба АМИТ «Ховар» дар ин донишкада хабар доданд.
Таъкид карда шуд, ки омӯзгорон дар иҷрои рисолати пуршарафи хеш, дар амри соҳибмаърифату соҳибкасб гардонидан, дар руҳияи худшиносии миллӣ, ватандӯстию ватанпарастӣ ва забондонӣ тарбия намуда ба камол расонидани насли наврас масъулияти баланд доранд. Забонро аввалан модар ба мо омӯзонида, пас муаллим такмил медиҳад. Мақому манзалати муаллим дар ташаккули маърифату фарҳанги халқияту миллатҳо ҳамеша бузург арзёбӣ гардида, ӯро тарбиягари инсон, чароғи раҳнамо ба сӯи фардои дурахшон, таконбахши рушди ҷомеа ва неруи ақлонӣ номидаанд. Имрӯз ҳам ин тавсиф побарҷо буда, ҳамеша аз нақши тарбиятгарии муаллим мегӯянду ба бузургиаш арҷ мегузоранд.
Дар Ҷумҳурии Тоҷикистон таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон ба омӯзгорон таваҷҷуҳи махсус зоҳир гардида, барои фаъолияти судманди онҳо дар ҷомеа ҳама шароити зарурӣ фароҳам оварда шудааст.
Ҳамчун анъана як зумра омӯзгорони фаъол барои заҳматҳои шоён дар таълиму тарбияи наврасону ҷавонон аз ҷониби раёсат ва Иттифоқи касабаи кормандону донишҷӯёни донишкада бо мукофотпулӣ қадрдонӣ карда шуданд.
АКС: Донишкадаи давлатии санъати тасвирӣ ва дизайни Тоҷикистон
Сокини деҳаи Деваштичи шаҳри Панҷакент бо истифода аз панелҳои офтобӣ чорворо бо хӯроки сабз таъмин менамояд
НАМУНАИ ИБРАТ. Дар биноҳои баландошёнаи навбунёди шаҳри Хуҷанд панелҳои офтобӣ насб мегарданд
5 декабр дар Тоҷикистон бориши борон ва барф пешгӯӣ карда мешавад
Дар Вазорати рушди иқтисод ва савдо сатҳи омодагии вилояти Суғд ба фасли зимистон баррасӣ гардид
Дар роҳи Душанбе-Чанок 690 километр хатҳои уфуқӣ кашида шуданд
Ба одамон наздиктар. Ифтитоҳи марказҳои нави хизматрасонии МегаФон Тоҷикистон
Имрӯз дар баъзе ноҳияҳои Тоҷикистон туман мефарояд
Доир ба вазифаҳои илми муосири иқтисодӣ конференсия баргузор шуд
Исломиддин Раҳмон: «Сарфаҷӯии неруи барқ яке аз омилҳои таъмини амнияти энергетикии Тоҷикистон ба ҳисоб меравад»
Имрӯз дар Тоҷикистон ҳавои тағйирёбанда шуда, чангу ғубор ба амал меояд
Форуми ҷавонони Созмони ҳамкории Шанхай дар Душанбе баргузор мегардад
Имрӯз дар баъзе ноҳияҳои Тоҷикистон хокбориш ба амал меояд
