«Саноатсодиротбонк» дар «Хатлон-инвест» ғолиби озмуни «Беҳтарин содироткунандаи Тоҷикистон» гардид

ДУШАНБЕ, 18.010.2024 /АМИТ «Ховар»/. «Саноатсодиротбонк» дар Форуми байналмилалии сармоягузорӣ-содиротии «Хатлон инвест» сазовори Диплом ва ғолиби озмуни «Беҳтарин содироткунандаи Тоҷикистон» дар номинатсияи «Беҳтарин инфрасохтори содиротӣ» гардид. Дар ин хусус АМИТ «Ховар» бо истинод ба «Саноатсодиротбонк» иттилоъ медиҳад.

«Саноатсодиротбонк» дар низоми бонкии Тоҷикистон дар муддати на камтар аз панҷ соли фаъолият тавонист нуфузашро байни соҳибкорони ватанӣ устувор намояд.

Дар ин муддат бонк ҳамчун сармоягузори дохилӣ бобати дастгирӣ ва таъмини соҳибкорон бо маблағҳои имтиёзноки қарзӣ барои ғанӣ гардонидани бозори дохилӣ ва ҳамзамон содироти истеҳсоли маҳсулоти ватанӣ ба хориҷи давлат аз ҷониби истеҳсолкунандагони ватанӣ лоиҳаҳоеро маблағгузорӣ намуд, ки бозгӯи нақши ин бонк дар иқтисодиёти мамлакат мебошанд.

АКС: «Саноатсодиротбонк»