Сарвари давлат: «Барои ба касбомӯзӣ фаро гирифтани шумораи ҳарчи бештари сокинони Бадахшон тадбирҳои иловагӣ андешида шаванд»
ДУШАНБЕ, 14.10.2024 /АМИТ «Ховар»/. Имрӯз дар мулоқот бо роҳбарон ва фаъолони Вилояти Мухтори Кӯҳистони Бадахшон Президенти Тоҷикистон муҳтарам Эмомалӣ Раҳмон ба Вазорати меҳнат, муҳоҷират ва шуғли аҳолӣ, Кумита оид ба таҳсилоти ибтидоӣ ва миёнаи касбӣ ва мақомоти иҷроияи ҳокимияти давлатии шаҳру ноҳияҳо супориш доданд, ки барои ба касбомӯзӣ фаро гирифтан ва ба талаботи бозори меҳнати дохиливу хориҷӣ мутобиқ гардонидани шумораи ҳарчи бештари сокинони вилоят мунтазам тадбир андешанд.
Сарвари давлат иброз доштанд, ки «тайёр кардани кадрҳо ва тавассути бозомӯзиву такмили ихтисос баланд бардоштани сатҳи касбияти онҳо, аз ҷумлаи масъалаҳое мебошад, ки ба ҳалли он бояд эътибори ҷиддӣ дода шавад. Ҳукумати мамлакат дар даврони соҳибистиқлолӣ барои баланд бардоштани музди меҳнат ва пардохти саривақтии маошу нафақа дар мамлакат, аз ҷумла дар Вилояти Мухтори Кӯҳистони Бадахшон тамоми тадбирҳои заруриро меандешад».
«Дар вилоят музди миёнаи меҳнати як корманд, ки соли 2000 ҳамагӣ 12 сомониро ташкил медод, соли 2023 ба 1848 сомонӣ расида, беш аз 150 баробар зиёд гардид. Барои ба касбомӯзӣ фаро гирифтани сокинони вилоят давоми понздаҳ соли охир дар шаҳру ноҳияҳои Хоруғ, Шуғнон, Рӯшон, Ванҷ, Дарвоз, Роштқалъа ва Ишкошим марказҳои таълими калонсолон таъсис дода шуданд. Тавассути ин марказхо ҳазорон нафар соҳиби ихтисоси корӣ гардидаанд»,-ёдрас шуданд Преденти мамлакат.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Бахшида ба Рӯзи Конститутсия конференсия ҷумҳуриявӣ доир шуд
Ғолибони даври шаҳрии Озмуни «Беҳтарин хизматчии давлатӣ аз ҳисоби занон дар соли 2026» қадршиносӣ шуданд
Доир ба нақши Маркази синошиносӣ дар тарҷума ва таҳқиқи осори Ибни Сино конфронси илмӣ-амалӣ баргузор шуд
Ҳайати Тоҷикистон дар Ҷумҳурии Мардумии Чин дар Форуми фарҳангии «Хэхэ-2026» иштирок дорад
Ҳамкории Академияи миллии илмҳои Тоҷикистон ва Раёсати илм ва технологияи ноҳияи мухтори Шинҷон-Уйғур густариш меёбад
Намояндаи Кумитаи бехатарии озуқавории Тоҷикистон дар иҷлосияи Кумитаи амнияти озуқавории ҷаҳонӣ дар Рим иштирок намуд
ЛОЛА ВА СИЁҲГӮШ: Аз мероси табиат то рамзи худшиносии миллӣ
Форуми илмии байналмилалии «Илмҳои геологии Осиёи Марказӣ – 2026» доир гардид
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
